Read MMA SHIYYA Barua ya Tito 3 Bible Online

Barua ya Tito 3 - MMA SHIYYA bible

Barua ya Tito 3

¹Kuvakumburuse vairikie vanini valya vakee ishilia uruka vavaindie na iva vave vandu va ivatania mashoṛa woose akee manuru.

²Manya vatarume nta nndu vakaa vataare myaandu, vaorusie vandu woose utele na uwoo.

³Amu ilyo mbele neese tiikee vandu vatawore uṛango tiikee valea na vareti na iṛundia ilanga lya mikae miingi likee itisenya tikaengeṛia ukasha na iira iriso na ikutuṛukia ti veni na ti veni.

⁴Kake lia uwoo lwa Iṛuva nkiṛa weru lulolika na ikunda lyamwi, llyo atikiṛa

⁵nta nkiimba kya mitanie yeru ikee minuru yyo yakangia katitania kuro ndi, kake nkiimba kya ililia lyamwi muni. Nkyo atikiṛia eetisangyaa mirima tikava vandu vamiiriwa lya kavili vawore mikae miiya,

⁶katiwiiṛia na Mumuyo wamwi Nsongori. Katiavia Mumuyo uu lia aruma Yesu Kristo nkiṛa weru,

⁷naamu tisumanike tiiwarwaa yye tabu na iva vayadiṅu ya muu utakisiaa uu tuuveree.

⁸Nkirero kya ikusurwa. Na mboni to mfurie kurere na finya, amu valya vakusurie Iṛuva vakumbue uṛundi lwa iṛundia mitanie minuru. Ifi mfinuru fikaendee vandu mbusha.

⁹Kake yuṛwauṛwa lya utondo iwukana nalyo na findo fa ukuuku na inaa na ivingana lya mavavaso. Fulya kitaare fiwore mbusha, lingi fiwore misendie ndi.

¹⁰Nndu annde iraua kwammaa imwikimba limwi na lya kavili lleye

¹¹kwimanyaa sheeli nndu sha ito amiira mbaai eetanaa ireko, amu ankuumisia ye muni.

¹²Kyeeri nrumaa Aritema kwafo ana Tikiko kutomarise isha kwakwa ifo Nikopoli, amu nkulya nkaa-fo kyeeri kya mbioo.

¹³Sena ulya mwaṛia wa mavavaso na Apolo vaṛaṛate na utomari, manya vataanguywa nta nkindo.

¹⁴Vandu veru nawo vakwishivise ikaa na mitanie minuru ya yelekia vengi na findo fawara, amu vatave vandu vatuṛa nunda ta ikusura lyawo.

¹⁵Iva vakee kunu kwakwa vakwisana woose. Tiisanie valya vatikundie vakee na ikusura limwi neese. Uwoo lukaa neeni mu woose!