Read MMA SHIYYA Barua ya Petiro ya mbele 5 Bible Online

Barua ya Petiro ya mbele 5 - MMA SHIYYA bible

Barua ya Petiro ya mbele 5

¹Vasuṛi valya vakee ifo kwanu navafunda niń nkee nsuṛi uroe wawo na nrambua wa matuṛulo a Kristo na ntaṅaṛiana unini lukaa lulolike:

²Iseń shoo ya Iṛuva ikee kwanu na iiringa, nta nsha vandu vakabiṛie ndi, kake nsha vandu vakunda Iṛuva. Ana manya mutaṛuye-wo mbusha, kake salalień shoo na mirima yoore utomari.

³Ana manya mutakwaṛue mawomi ifo siṛiń tanu, kake veń vandu va iiria siṛi mbele.

⁴Mukavva kuro muwariaa kiṛeto kya uvingo ikyo kitaumaa, ili mwisi ito nnini alolikaa.

⁵Mfo kuro ini vakoo, irikień vasuṛi. Kyasia ini mu woose mukunyiise mu veni na mu veni, fulya Iṛuva aleaa vakuṅinisi, kake valya vakunyiisaa avaliliaa.

⁶Kiimba kya iki mukwinitie kwa si ya uko lwa Iṛuva luwore finya, amu amuṅinise kyeeri kyamwi.

⁷Fima fanu foose mumwekeṛie ye, amu amukusaṛiaa.

⁸Sisirień mulale rembo, fulya nkituva wanu Satana akee iṛuaṛua sha miiso iiṛuṅunaa kaṛuya nndu amakii immiṛa.

⁹Uu kumwumiseń mwikuwaraa na ikusura lyanu tabu na imanya sheeli vanavamae vanu va isangeń lyoose vawore ngyukiva ti toose nawo.

¹⁰Na Iṛuva muni wa uwoo loose andemuvaangia unini lwamwi lwa miṛeṛe, fulya mukee va Kristo, yye amusumanisaa na imwirisha na imuniinga finya kyeeri kilya kiti mukee ukiveń.

¹¹Unini llwamwi na finya miṛeṛe na miṛeṛe. Amen.

¹²Namutisiṛia ifi kwa uko lwa Silwano mwanamae uu ntele, amu mmwikimbe ini na irambua, sheeli uwoo ilu lwa Iṛuva mukuwore nalo llwa dede.

¹³Siṛi ya kunu Babilon ikee shisaue andu emwi na yanu yamwisana, na mwanakwa Mariko mfo kuro.

¹⁴Kwisaniń mu veni na mu veni na ikwonga miimo ya witanu! Unambwe lukaa neeni mu woose mukee va Kristo!