Read Ma'anyan TITUS 3 Bible Online

TITUS 3 - Ma'anyan bible

TITUS 3

¹Ampiitung kawan ulun ungkup nampan here tunduk ma kawan pamimpin anri panguasa negara, ngalut nuu nelang basadia nampalus kawan hal sa maeh.

²Wara ma here nampan here ada muntaka atawa basual anri hie-hie, malengkan maeh paner gamungan. Wuah here saratang lamah liut anri katuluh ulun.

³Daya dahulu hie takam lunga, tawang nelang puang ngalut nuu. Takam nasamalah daya kawan kasindien kabahirien; takam welum anri kunuan atei murun kasiwa nelang ipanrigat-ipamuar.

⁴Kude Alatalla panyalamat takam nantarang sinta nelang pikaeh ateini anri takam.

⁵Hanye nyalamat takam, puang gana takam haut nampalus hal sa maeh, malengkan daya hanye sinta takam. Hanye nyalamat takam itetei Roh Alatalla, sa ngulah takam nakayaan nelang welum wau anri mui ngabarasis takam.

⁶Alatalla ngampinau rohni ma takam itetei Yesus Kristus, Raja Panyalamat takam,

⁷nampan daya ahi lelo Yesus, takam ikaeh mulek anri Alatalla balalu takam kaiyuh pamelum sajati palus kalalawah sa naharap-daya takam.

⁸Lengan yiti kapinuu bujur. Aku hamen hanyu ngutama tuu hal yiti, nampan kawan ulun sa parisaya ma Alatalla ngakali tatuu nampan ngulah kawan pagawian maeh nelang bariran ma katuluh ulun.

⁹Sanawit kawan panitian sa puang uweng riranni, kawan sarita asal-usul, pibantahan, babur basual neu hukum agama. Katuluh yiru puang uweng riranni nelang puang uweng untungni.

¹⁰Ulun sa ngulah pipasahan hawuang ungkup, ware hanyu nagur hanye hinra hanrueh; udi yiru ada lagi sinrah anri hanye.

¹¹Hanyu karasa ulun sa masam yiru duruhaka nelang kawan dosani mambukti sa hanye bakahalaen.

¹²Dami udi aku ngutus hi Artemas atawa hi Tikhikus nunung hanyu, hanyu musti ngakali nampan hinang hawi nunung aku hang Nikopolis, daya aku ngaheng muneng hang yaru salawah musim marisak.

¹³Ware naun ngakali tatuu nampan ngarawah hi Zenas, ahli hukum yiru anri hi Apolos nampan here kaiyuh tulak anri puang uweng kakurangen.

¹⁴Kawan ulun takam harus paajar nampalus kawan hal sa maeh nampan kaiyuh nyansukup kawan inun sa naparlu; ada hampe here welum puang bariran.

¹⁵Katuluh pulaksanai sa baya aku, ngirim tabe ma hanyu. Tahampe tabe kami pada ma kawan hengau sa mira kaparisayaan. Mudahan Tuhan mamberkat naun katuluh. Hormat kami, Paulus