Read Maasai Bible – Biblia Sinyati Enkiterunoto 36 Bible Online

Enkiterunoto 36 - Maasai Bible – Biblia Sinyati bible

Enkiterunoto 36

¹Kulo ninche ile ishoi e Esau (aa ninye Edom).

²Eyama Esau inkituaak oo lkanaani; Ada entito e Elon oo Lhiti, o Oholibama entito e Akna olayioni le Sibeon loo Lhifi,

³o Basemat entito e Ishmael enkanashe e Nebaiot.

⁴Neiki Adah Esau, Elifas; neiu Basemat Reul;

⁵neiu Oholibama Yeush o Yalam o Kora. Kulo ninche Ilayiok le Esau ootoikioki ninye te nkop e Kanaan.

⁶Neya Esau inkituaak enyena o layiok lenyena o ntoyie enyena o ltung'ana pooki lo lmarei lenye o nkishu enyena o masaa pooki enyena o ntokitin enyena pooki e tipat naanoto te nkop e Kanaan. Nelo enkop nalakua alam olalashe lenye Yakobo.

⁷Amu ore imasaa enye naa aikumok apa oleng nemeidim aatamany nebo; ore enkop apa naidurrakita ninche meekure eishaa te nkaraki enkumoi oo nkishu enye.

⁸Metaa eshomo Esau (aa ninye Edom) amany enkop oo ldoinyo e Seir.

⁹Kulo ninche ile ishoi e Esau menye loo le Edom teinakop oo ldoinyo le Seir.

¹⁰Kuna ninche inkarn oo layiok le Esau: Elifas olayioni le Ada enkitok e Esau, Reul olayioni le Basement enkitok e Esau.

¹¹Ore ilayiok le Elifas naa Teman o Omar o Sefo o Gatam o Kenas,

¹²(ore apa Timna naa enkapiani e Elifas), olayioni le Esau, neiki Elidas Amalek. Kulo ilayiok le Ada, enkitok e Esau.

¹³Kulo ninche ilayiok le Reul: Nahat o Sera o Shamma o Misa. Kulo ninche ilayiok le Basemat, enkitok e Esau.

¹⁴Kulo ninche ilayiok le Oholibama entito e Ana olayioni le Sibeon, enkitok e Esau: Etoikio ninche Esau, Yeush o Yalam o Kora.

¹⁵Kulo ilarikok loo layiok le Esau. Ilayiok le Elifas olkikau le Esau: ilarikok ooji Teman o Omar o Sefo

¹⁶o Kenas o Kora o Gatam o Amalek. Kulo ilarikok le Elifas te nkop e Edom; Naa ilayiok le Ada.

¹⁷Kulo ninche ilayiok le Reul olayioni le Esau; ore ilarikok naa Natan o Sera o Shama o Misa. Kulo ninche ilarikok le Reul te nkop e Edom; naa ninche ilayiok le Basement enkitok e Esau.

¹⁸Kulo ninche ilayiok le Oholibama, enkitok e Esau: ilarikok le Yeush o Yalam o Kora; lelo ilarikok ootoikioki Oholibama entito e Ana, enkitok e Esau.

¹⁹Kulo ninche ilayiok le Esau (aa ninye Edom) naa kulo ilarikok lenye.

²⁰Kulo ninche ilayiok le Seir loo le Hori iloopeny enkop: Lotan o Shobal o Sibeon o Ana,

²¹o Dishon o Eser o Sisham; kulo apa ilarikok lo Lhori ilayiok le Seir te nkop e Edom.

²²Ore apa ilayiok le Lotan naa Hori o Heman; ore apa enkanashe e Lotan naa Timna.

²³Kulo ilayiok le Shobal: Alfan o Manahat o Ebal o Shefo o Onom.

²⁴Kulo ninche ilayiok le Sibeon: Ayia o Ana. Ana apa ilo onoto inchorroi nairowua tiong'ota, eirrita isirkon le Sibeon papaai lenye.

²⁵Kuna ninche inkera e Ana, Dishon o Oholibama entito e Ana.

²⁶Kulo ninche ilayiok le Dishon: Hemdan o Eshban o Itran o Keran.

²⁷Kulo ninche ilayiok le Eser: Bilham o Saafan o Akan.

²⁸Kulo ninche ilayiok le Dishan: Usi o Aran.

²⁹Kulo ninche ilarikok le Hori: ore lelo arikok naa Lotan o Shobal o Sibeon o Ana

³⁰o Dishon o Eser o Dishan: kulo ninche ilarikok le Hori te risioroto oo ilgilat lenye te nkop e Seir.

³¹Kulo ninche ilaiguanak apa oitoreisho te nkop e Edom, eton eitu etumi hoo likae aiguanani oitoreisho too Siraeli.

³²Eitoria Bela olayioni le Beori enkop e Edom, neji enkarna enkanasa enye Dinhaban.

³³Neye Bela, neitoreisho Yobab olayioni le sera le Bosra te rishata enye.

³⁴Neye Yobab neitoreisho Husham le nkop e Ltemani te rishata enye.

³⁵Neye Husham neitoreisho Hadad olayioni le Bedad, laa ninye apa otimira ile Midian te nkop e Moab te rishata enye, neji enkarna e nkanasa enye Afiti.

³⁶Neye Hadad, neitoreisho Samla le Masreka te rishata enye.

³⁷Neye Samla, neitoreisho Shaul le Rehobot to lkeju le Frati te rishata enye.

³⁸Neye Shaul, neitoreisho Baalhanan olayioni le Akbor te rishata enye.

³⁹Neye Baalhanan olayioni le Akbor neitoreisho Hadar te rishata enye, ore enkarna e nkanasa enye neji Pau, neji apa enkarna enkitok enye Mehetabel, ina tito e Matred, entito e Mesahab.

⁴⁰Kuna ninche inkarn oo larikok Le Esau, te risioroto oo ilmareita lenye o manyishoritin enye anaa enatiu inkarn enye. Ore ilarikok naa Timna, o Alifa o Yelet

⁴¹o Oholibama o Ela o Pinon

⁴²o Kenas o Tenan o Mibsar

⁴³o Magdiel o Imran. Kulo ninche ilarikok le Edom (aa ninye eji Esau, menye le Edom), te risioroto oo manyishoritin enye teinakop nataa enenye.