Read Maasai Bible – Biblia Sinyati Enkiterunoto 7 Bible Online

Enkiterunoto 7 - Maasai Bible – Biblia Sinyati bible

Enkiterunoto 7

¹Nejoki Olaitoriani Noa: “Tijing'a iyie o enkaji ino pooki atua esafina, amu atoduaa ajo ira oltung'ani oitashe too sipat te dukuya nanu tena ishoi.

²Iwa ing'uesi naapishana maare nemeeta intiot, oloing'oni ake o elipong. Iwa sii ing'uesi naapishana maare naata intiot, oloing'oni ake o elipong.

³Niya sii imotonyi o loing'ang'e maare naapishana, oloing'oni ake o elipong peyie eitubulaa impukunot enye tioriong enkop.

⁴Amu ore teneishunye inkolong'i naapishana, kairriu enchan shumata enkop too nkolong'i artam kewarie o dama. Metaa ore pooki toki naitobira, kajutu tioriong enkop.”

⁵Neas Noa nena pooki naitanapa Olaitoriani ninye.

⁶Ore apa Noa ina kata naa oloo larin iip ile te moruao, peyie elotu oloirrag le nkare shumata enkop.

⁷Neaku ore Noa tenebo o layiok lenyena o enkitok enye o nkituaak oo layiok lenyena tenebo ninye, nejing esafina aailany oloirrag le nkare.

⁸Ore ing'uesi pooki nemeeta ntiyot o ng'uesi pooki naata ntiyot o motonyi o pooki toki naiserpepiari te nkop,

⁹maare maare, aa oloing'oni ake o elipong, etijing'a atua esafina tenebo Noa anaa enaitanapa Enkai Noa.

¹⁰Ore peyie eishunye inkolong'i naapishana, neiput oloirrag sapuk le nkare shumata enkop.

¹¹Ore to lari le iip ile le nkishui e Noa, to lapa le are enkolong e tomon o naapishana o lapa, nedanya inkonyek oo nkariak naagut aaruko, nebolo sii ilusien e keper.

¹²Neshaiki enchan enchumata e nkop indamaritin artam o nkewarietin artam.

¹³Teina olong ake etijing'a Noa o Shem o Ham o Yafet ilayiok le Noa, o enkitok e Noa o nkituaak uni oo layiok lenyena atua esafina.

¹⁴Ninche o pooki ng'ues te risioroto oo mpukunot enye, o nkishu pooki te risioroto oo mpukunot enye, o pooki toki naiserpepiari te nkop te risioroto oo mpukunot enye, o motonyi pooki te risioroto oo mpukunot enye, o pooki motonyi e pooki pukunoto.

¹⁵Nejing pooki atua esafina tenebo Noa, maare maare o seseni pooki ooata enkishui.

¹⁶Ore nena naatijing'a, oloing'oni o elipong e pooki toki naata osesen, nejing atua, anaa enaitanapa Enkai Noa. Neikenoo Olaitoriani Noa tiatua.

¹⁷Nebik oloirrag le nkare tioriong enkop inkolong'i artam, neponari enkare o metudumu esafina aing'atie enkop ailepie.

¹⁸Neponari enkare oleng neiput enkop, neporoo esafina shumata enkare.

¹⁹Neponari enkare oleng te nkop, ometaa ore ildonyio pooki adoru ootii abori keper neimisieki.

²⁰Neitemoo enkare ildonyio pooki metaa eng'uton intemat e nkaina tomon o imiet.

²¹Neye pooki toki naata osesen naloolo te shumata e te nkop. Imotonyi o nkishu o ng'uesi o pooki toki naishu te nkop o pooki tung'ani,

²²o pooki toki natii enkop natoyio naata enkiyang'et e enkishui, neye pooki.

²³Nejutuni pooki toki naishu natii oriong enkop, aa tung'ani o ng'uesi o pooki toki naiserpepiari o motonyi o loing'ang'e, etujutuo Enkai pooki te nkop. Noa ake etung'uayioki tenebo o looboitare tiatua esafina.

²⁴Nebik inkariak tioriong enkop inkolong'i iip o onom.