Read Maasai Bible – Biblia Sinyati 1 Ilaiguanak 9 Bible Online

1 Ilaiguanak 9 - Maasai Bible – Biblia Sinyati bible

1 Ilaiguanak 9

¹Ore pee eidip Solomon atesheta ina aji o Laitoriani o enkaji o laiguanani o pooki apa naayieu Solomon neshet,

²neitoki Olaitoriani aipang'aki Solomon enkata eare, anaa apa enaipang'aka ninye te Gibeon.

³Nejoki Olaitoriani ninye, “Atoning'o enkomono ino o sayiata ino, nitoomono iyie te dukuya nanu. Aitisinya nanu ena aji nitesheta iyie, natipika enkarna ai ine ntarasi. Ore inkonyek aainei o ltau lai keaku ine etii nkatitin pooki.

⁴Kake ore tialo iyie, tenaa eilo te dukuya nanu, anaa apa papaai lino Daudi, to ltau le mborron o esupatisho, aas te risioroto e nena pooki naaitanapa, nimbung nkiguanat aainei o nkikoot,

⁵naun aitubulaa olorika le nkitoria ino te Israel ntarasi, anaa apa enaisiligie Daudi papaai lino, ajoki, ‘Melai aekata te iyie oltung'ani otonie olorika le nkitoo te Israel.’

⁶Kake tenimbelekenya apaash esujata ai, iyie anaa inkera inono, nimimbung inkitanapat aainei, o nkiguanat aainei natipika nanu dukuya intae, nipuopuo aaisiaai kulie aitin niserememe ninche,

⁷naiwuang'ie naa nanu Isiraeli teinakop apa naishoo ninche. Ore ina aji apa naitisinya nanu te nkaraki enkarna ai naiwuang'ie too nkonyek aainei, neaku Israel endung'et e rashe o entoki naimakini too loreren.

⁸Neaku ena aji olchala le nkidaaroto, ore pooki ng'ae ogiroo neiputukuny, neisulisho, nejo ninche, ‘Kainyoo pee etaasa Olaitoriani ena tena kop o tena aji?’

⁹Naa kepuo ninche aajo, ‘Te nkaraki natung'uaitie Olaitoriani Enkai enye, naa ninye apa nayawua loo menye aitung'uaa enkop e Misiri, neibung'are kulie aitin, neserem ninche neisiaai ninche. Ore te nkaraki ina, eyaua Olaitoriani ena torroni pooki shumata ninche.’ ”

¹⁰Ore etulusoitie ilarin tikitam, eidipa Solomon atesheta nena ajijik pokira are, enkaji o Laitoriani,

¹¹o enkaji olaiguanani, neidipa Hiram olaiguanani le Tiro aishoo Solomon iltarakua o mbaoi o saabu, anaa enayieu. Eishoo sii ninye olaiguanani Solomon Hiram nkanas tikitam tiatua enkop e Galilaya.

¹²Kake ore ake pee elotu Hiram te Tiro adol nena anas naaishoo Solomon ninye, neitu eitiship ninye.

¹³Neaku etejo ninye, “Kaji eikununo kuna anas nikinchoo iyie nanu olalashe lai?” “Neaku etejoki apa ninche, enkop e Kabul[1] o taata.”

¹⁴Neirriwaka apa Hiram olaiguanani Solomon ntalantani iip o tikitam e saabu.

¹⁵Naa nji eikununo enkisiaayiare, apa nataasa olaiguanani Solomon eshet enkaji o Laitoriani o enkaji enye makewan o Milo, o esuntai e Yerusalem o Hasor o Megido, o Geser.

¹⁶(Ore apa Farao olaiguanani le Misiri neshomo aibung Geser nepejoo ninye te nkima, netaara apa ninye Ilkanaani oomanya ina anasa metuata, neishooyo enkanasa anaa enkishooroto e nkiyama te ntito enye, ina kitok e Solomon.

¹⁷Neaku enyaaka apa Solomon ashet Geser) o Bet-horon e abori

¹⁸o Baalat, o Tamar tiong'ota, tiatua enkop e Yuda,

¹⁹o nkanas pooki naashumishoreki apa naata Solomon, o nkanas oo ngarrin enyena oo mbartan o nkanas oo lakedok lenyena loo mbartan, o pooki toki apa nayieu Solomon neshet te Yerusalem o tiatua Lebanon o tiatua enkop pooki e nkitoria enye.

²⁰Ore lelo tung'ana pooki apa ootelekutua Ilamori o Ilhiti Ilperesi o Lhifi o Lyebusi, lelo apa leme ileilo orere loo Siraeli

²¹ore ina ishoi enye natelekuaki, teinakop, lelo apa leitu eidaikie iltung'ana loo Siraeli tukul - ore kulo neitaa Solomon irrindiki le nkisiaayiare enye, netiu ninche neijia o metabaiki ena olong.

²²Kake ore too ltung'ana loo Isiraeli eitu eitaa Solomon irrindiki. Isikarini apa ninche, iltung'ana lenyena kituaak apa ninche. Ilkituaak le njore, ilarikok le njore, o lkituaak loo ngarrin oo mbartan o lakedok loo mbartan.

²³Ore kulo naa iltung'ana kituaak ooitasheiki esiaai e Solomon, iip imiet ninche o onom laa ninche ooitasheiki iltung'ana aasak le siaai.

²⁴Kake eshomo ina tito e Farao teina anasa e Daudi nelo enkaji enye makewan apa nateshetaka Solomon ninye, neitoki ashetu Milo.

²⁵Katitin uni apa to lari eitayu Solomon ilasarri oopejori o lasarri le seriani te nchumata ilo perere lo lasar apa oteshetaka Olaitoriani. Nepej enkorropil te dukuya Olaitoriani. Neaku eidipa apa ninye enkaji.

²⁶Eitobira sii apa Solomon imelin kumok te Siong'eber naa ninye nataaniki Eliton, to lomanaa le naiposha Nanyokie, te nkop e Edom.

²⁷Neirriwaa Hiram tenebo nena melin kumok isinkan lenyena, iltung'ana oopuo too nkariak, ootamoo enaiposha, tenebo isinkan le Solomon.

²⁸Nepuo ninche Ofir neyau saabu teine naa ore esapuko enye ntalantani tikitam, neyaki ninche olaiguanani Solomon.