Read Maasai Bible – Biblia Sinyati 1 Intepen 24 Bible Online

1 Intepen 24 - Maasai Bible – Biblia Sinyati bible

1 Intepen 24

¹Ore ilturrurri loo layiok le Aron naa ninche kulo. Ore ilayiok le Aron naa: Nadab o Abihu o Eliesa o Itamar.

²Etasiokito apa Nadab o Abihu aaye te dukuya papaai lenye, nemeeta ninche nkera, neaku etaa Eliesa o Itamar ilapolosak.

³Ore te retoto e Sadok obo loo layiok le Eliesa, o Ahimelek obo loo layiok le Hamar, neitobir Daudi nkitobirat te risioroto e nkisiayiare enye.

⁴Ore amu enotoki apa iltung'ana kituaak tiatua ilayiok le Eliesa alang too layiok le Itamar, etipikaki ninche ilturrurri tomon o ile tiabori ilukuny oo nkajijik oo loo menye, too layiok le Eliesa o isiet too layiok le Itamar.

⁵Eitobira ninche te oshoto e nkukuo, aaitanyaanyuk pooki, amu keetae apa ilkituaak anaake te wueji sinyati, o lkituaak le Nkai tiatua ilayiok le Eliesa o layiok le Itamar.

⁶Ore ilo aigeroni oji Shemaia olayioni le Nataniel, loo Lawi, neiger ninche pooki te dukuya olaiguanani, olkituaak o Sadok olapolosani o Ahimelek olayioni le Abiata, o lukuny oo nkajijik oo loo menye oo lapolosak o Lawi; negeluni enkaji nabo too le Eliesa negeluni nabo too le Itamar.

⁷Etadoikio enkukuo e dukuya Yehoirib, nedoiki eniare Yedaia,

⁸nedoiki ene uni Harim, nedoiki ene ong'uan Seorim,

⁹nedoiki ene imiet Malkija, nedoiki ene ile Mijamin,

¹⁰nedoiki ene naapishana Hakos, nedoiki ene isiet Abija,

¹¹nedoiki ene naaudo Yeshua, nedoiki ene tomon Shekenia,

¹²nedoiki ene tomon oobo Eliashib, nedoiki ene tomon oaare Yakim,

¹³nedoiki ene tomon ookuni Hupa, nedoiki ene tomon oong'uan Yeshebeab,

¹⁴nedoiki ene tomon o miet Bilga, nedoiki ene tomon o ile Imer,

¹⁵nedoiki ene tomon oopishana Hesir, nedoiki ene tomon o isiet Hapiser,

¹⁶nedoiki ene tomon ooudo Petahia, nedoiki ene tikitam Yeheskel,

¹⁷nedoiki ene tikitam oobo Yakin, nedoiki ene tikitam oaare Gamul,

¹⁸nedoiki ene tikitam ookuni Delai, nedoiki ene tikitam oong'uan Maasia.

¹⁹Kegeluno apa kulo pooki te nkisiaayiare enye pee epuonu atua enkaji Olaitoriani terisioroto eilo kerreti apa oitasheyie Aron papaai lenye te nkaraki ninche, anaa enaitanapa ninye Olaitoriani Enkai e Israel.

²⁰Naa kuna nkarn e kulikae ayiok le Lawi: ore too layiok le Amram naa, Shubael; ore too layiok le Shubael, naa Yehedia.

²¹Ore too layiok le Rahedia naa: Ishia aa ninye olkitok.

²²Ore too le Isharit, naa Shelemot; ore too layiok le Shelemot naa Yahat.

²³Ore too layiok le Hebron naa Yeria aa ninye olkitok, naa Amaria oliare, naa Yahasiel oliokuni, naa Yekameam oliong'uan.

²⁴Ore ilayiok le Usiel naa Mika, ore too layiok le Mika naa Shamir.

²⁵Ore olalashe le Mika naa Ishia; ore ilayiok le Ishia naa Sakaria.

²⁶Ore ilayiok le Merari naa Mahali o Mushi. Ore ilayiok le Yaasia naa Beno.

²⁷Ore ilayiok le Merari naa Yaasia, o Beno o Shoham o Sakur, o Ibri.

²⁸Ore too layiok le Mahali naa: Eliesa ilo apa lemeeta ilayiok.

²⁹Ore too layiok le Kish naa Yerameel.

³⁰Ore ilayiok le Mushi naa Mahali o Eder o Yerimot. Kulo apa ilayiok loo Lawi te risioroto oo nkajijik oo loo menye.

³¹Ore sii kulo, ilukuny oo nkajijik oo loo menye, o lalashera lenye ooti, neosh sii ninche enkukuo, anaa ake ilalashera lenye, lelo ayiok le Aron, te dukuya olaiguanani Daudi, o Sadok o Ahimelek, o lukuny oo nkajijik oo loo menye e lelo apolosak le Lawi.