Read Maasai Bible – Biblia Sinyati 1 Intepen 27 Bible Online

1 Intepen 27 - Maasai Bible – Biblia Sinyati bible

1 Intepen 27

¹Kuna nkarn oo ltung'ana le Israel, nena lukuny oo nkajijik oo loo menye, lelo arikok le njore loo nkalifuni o loo maa iip o lkituaak lenye ooisiaai olaiguanani too mbaa pooki naaipirta nena orot oo lturrurri, te pooki apa o to lari pooki, ore ake olturrur obo naa iltung'ana nkalifuni tikitam oong'uan.

²Yoshobeam olayioni le Sabdiel apa oitasheiki olturrur le dukuya, to lapa le dukuya; ore ilo turrur lenye naa iltung'ana nkalifuni tikitam oong'uan.

³Ole ishoi e Peres apa ninye, naa ninye olkitok too larikok pooki le njore to lapa le dukuya.

⁴Dodai le Ahohit apa oitasheiki olturrur lo lapa liare; ore olturrur lenye naa iltung'ana nkalifuni tikitam oong'uan.

⁵Ore olarikoni le njore liokuni, to lapa liokuni, naa Benaia olayioni le Yehoida ilo apolosani, aa ninye olkitok; ore olturrur lenye naa iltung'ana nkalifuni tikitam oong'uan.

⁶Olapa taa Benaia ele ora oltung'ani magilani tiatua lelo tomoni uni naa ninye olarikoni le tomoni uni; Amisabad olayioni lenye apa oitasheiki olturrur lenye.

⁷Asahel ilo alashe le Yoab ninye apa oliong'uan, to lapa liong'uan, naa olayioni lenye Sebadia osujaki ninye; ore olturrur lenye naa iltung'ana nkalifuni tikitam oong'uan.

⁸Ore olarikoni le njore le miet, to lapa le miet naa Shumhut, le Israhit; Ore olturrur lenye naa iltung'ana nkalifuni tikitam oong'uan. Ore olayioni le ile to lapa le ile

⁹naa Ira olayioni le Ikesh le Tekoa; ore olturrur lenye naa iltung'ana nkalifuni tikitam oong'uan.

¹⁰Ore oliopishana, to lapa liopishana, naa Heles le Peloni, loo layiok le Efraim; ore olturrur lenye naa iltung'ana nkalifuni tikitam oong'uan.

¹¹Ore olayioni le isiet to lapa le isiet naa Sibekia le Hushat le Serahit, ore olturrur lenye naa iltung'ana nkalifuni tikitam oong'uan.

¹²Ore olioudo to lapa lioudo naa Abiesa le Anatot, loo le Benchamen; ore olturrur lenye naa iltung'ana nkalifuni tikitam oong'uan.

¹³Ore olayioni le tomon, to lapa le tomon naa Maharai le Netofa, loo le Serahit, ore olturrur lenye naa iltung'ana nkalifuni tikitam oong'uan.

¹⁴Ore olayioni le tomon oobo to lapa le tomon oobo naa Benaia le Piraton, loo layiok le Efraim; ore olturrur lenye naa iltung'ana nkalifuni tikitam oong'uan.

¹⁵Ore olayioni le tomon oaare, to lapa le tomon oaare naa Hildai le Netofat loo le Otiniel; ore olturrur lenye naa iltung'ana nkalifuni tikitam oong'uan.

¹⁶Ore tialo iloshon le Israel, ore too le Ruben, naa Eliesa olayioni le Sikri ninye olkitok; ore too le Simeon, naa Shefatia olayioni le Maaka;

¹⁷ore too Lawi naa Hashabia olayioni le Kemuel; ore too le Aron naa Sadok;

¹⁸ore too le Yuda naa Elihu, obo loo lalashera le Daudi; ore too le Isaakar, naa Umri olayioni le Mikael;

¹⁹ore too le Sebulon, naa Ishmaia olayioni le Obadia, ore too le Naftali, naa Yeremot olayioni le Asriel;

²⁰ore too le Efraim, naa Hoshea olayioni le Asasia; ore to lpisiai lo losho le Manase, naa Yoel olayioni le Pedaia;

²¹ore to likae pisiai lo losho le Manase te Gilead naa, Ido olayioni le Sakaria, ore too le Benchamen, naa Yaasiel olayioni le Abna;

²²ore too le Dan, naa Asarel olayioni le Yeroham, kulo apa lelo arikok loo loshon le Israel

²³itu apa eiken Daudi lelo tung'ana ootii abori ilarin tikitam, amu eisiligishore apa Olaitoriani pee eitaa Isiraeli kumok anaa ilakir le shumata.

²⁴Neiteru Yoab olayioni le Seroya aikenisho, kake eitu ninye eidip, neitoki engoro alotu shumata Israel te nkaraki ena, neitu epiki ina siana atua nkatinin o laiguanani Daudi.

²⁵Ore apa olaitasheikinoni loo lchumat lo laiguanani naa Asmafet olayioni le Adiel. Naa ore olaitasheikinoni loo lchumat leina kop, tiatua nkanas o tiatua nkang'itie kutiti o too ltaleta, naa Yonatan olayioni le Usia.

²⁶Ore oloitasheiki lelo oaasisho too nkurman, neturisho naa Esiri olayioni le Kelub.

²⁷Ore oloitasheiki inkurman oo lng'anayio naa Shimei le Rematil; ore oloitasheiki ilng'anayio ooitayuni te nkurma oo sabibu naa Sabdi le Shifamit.

²⁸Ore oloitasheiki iloirienito o lkeek laaijo retet ootii atua Shefala naa Baalhanan le Gederi; ore oloitasheiki ineeshumieki iila naa Yoash.

²⁹Ore oloitasheiki nchoo too ndaat te Sharon naa Shitrai le Sharon, ore oloitasheiki nchoo naadaa too erat naa Shefat olayioni le Adlai.

³⁰Ore oloitasheiki ntamesin naa Obil le Ishmael; ore oloitasheiki isirkon lipong'a naa Yehedia le Meronot. Ore oloitasheiki Illuaat oo nkerrai naa Yasis le Hagrit.

³¹Ore kulo pooki naa ilaitasheikinok loo masaa o laiguanani Daudi.

³²Ore apa Yonatan olenkapu le Daudi, naa ninye olaikooni le Daudi, amu oltung'ani ninye oata ening'unoto naa olaigeroni; ninye o Yehiel olayioni le Hakmoni apa oiteng'en ilayiok lo laiguanani.

³³Ahitofel apa olaikooni lo laiguanani, naa Husai le Akit olchore lo laiguanani.

³⁴Etijing'a apa Yehoida olayioni le Benaia tenebo Abiata erishata e Ahitofel. Naa Yoab apa olarikoni le njore o laiguanani.