Read Maasai Bible – Biblia Sinyati 1 Intepen 4 Bible Online

1 Intepen 4 - Maasai Bible – Biblia Sinyati bible

1 Intepen 4

¹Ore ilayiok le Yuda naa, Peres o Hesron o Karmi o Huri o Shobal.

²Reaia ole Shobal apa menye le Yahat, naa Yahat menye le Ahumei o Lahad. Kulo apa ilmareita loo le Sorat.

³Kulo apa ilayiok le Etam: Yesreel o Ishma o Ldbash; ore enkarna e nkanashe enye naa Haseloponi.

⁴Naa Panuel apa menye le Gedor, naa Eser menye le Hushash. Kulo ninche ilayiok le Huri, ilo kikau le Efrata, menye le Betlehem.

⁵Keeta apa Ashuhur, menye le Tekoa nkituaak are, Heba o Naara.

⁶Neiki Naara ninye Ahusum o Hefer o Temeni, o Haashatari. Kulo ninche apa ilayiok le Naara.

⁷Kulo ilayiok le Hela: Seret o Ishar o Etanan.

⁸Koos apa menye le Anub o Sebeba o lmareita le Aharhel olayioni le Harum.

⁹Yabes apa oning'o oleng too lalashera lenyena; neisho apa ninye ng'otonye enkarna ajo Yabes, ejo, “Te nkaraki natoiwuo ninye te mion.”

¹⁰Neomon Yabes Enkai e Israel ejo, “Tamayianaki Na Ai, nikiponiki enkop, nchoo enkaina ino eaku tenebo nanu, naamitu nanu te mbatisho pooki pee maatum nanu!” Neisho Enkai ninye ina natoomonuo.

¹¹Kaleb ilo alashe le Shusha apa menye le Mekir, laa ninye menye le Eshton.

¹²Eshton apa menye le Betrafa o Pasea o Tihina menye le Irnabash. Kulo ninche iltung'ana le Reka.

¹³Ore ilayiok le Kenas naa: Otiniel o Seraia. Ore ilayiok le Otiniel naa: Hanat o Meonotai.

¹⁴Meonotai apa menye le Ofra: naa Serai apa menye le Yoab menye Geharashim, neijia apa ejo ninche amu iltung'ana arriyiak.

¹⁵Ore ilayiok le Kaleb olayioni le Yefune naa: Iru o Ela o Naam; ore olayioni le Ela naa Kenas.

¹⁶Ore ilayiok le Yehaledel naa: Sif o Sifa o Tiria, o Asarel.

¹⁷Ore ilayiok le Esrahi naa: Yeter o Mered o Efer o Yolon. Kulo ninche ilayiok le Bitia entito e Farao, apa nayama Mered, nenutayu ninye neiu Meriam o Shamai o Ishba menye le Eshtemoa.

¹⁸Ore ina kitok enye oo Lyahudi neiu Yared menye le Gedor o Heber menye le Soko o Yekutiel menye le Samoa.

¹⁹Ore ilayiok le nkitok e Hodia, ina anashe e Naham, naa iloomenye le Keila le Garmit o Eshtemoa le Maakuti.

²⁰Ore ilayiok le Shimon naa: Amon o Rina o Benhanan, o Tilon. Ore ilayiok le Ishi naa Sohet o Bensohet.

²¹Ore ilayiok le Shela ole Yuda naa: Eer menye le Leka o Laada menye le Maresha o lmareita le nkaji oo laitobirak oopuyiapui te Bet-ashbea.

²²Ore Yokim oltung'ana le Koseba, o Yoash o Saraf apa laa ninye oitoreisho te Moab nerrinyo alo Lahem. (Ore apa kuna baa naa iniapa oleng.)

²³Kulo apa lelo aitobirak loo ntokitin oo nkulupuok naa ninche oomanya Netaim o Gedera: Nebik ninche teine tenebo olaiguanani te nkaraki esiaai enye.

²⁴Ore ilayiok le Simeon naa: Nemuel o Yamin o Yarib o Serak o Shaul;

²⁵Shalum apa olayioni lenye o Mibsai olayioni lenye o Mibsam olayioni lenye o Mishma olayioni lenye.

²⁶Ore ilayiok le Mishma naa: Hamuel olayioni lenye, o Sakur olayioni lenye o Shimei olayioni lenye.

²⁷Keeta apa Shimei ilayiok tomon o ile o ntoyie ile; kake meeta apa ilalashera lenyena nkera kumok, neitu eponari ilmareita lenye anaa iltung'ana le Yuda.

²⁸Nebik apa ninche te Beersheba o te Moloda o te Hasar-shual

²⁹o te Bilha o te Esem o te Tolad

³⁰o te Betuel o te Horma o te Siklag

³¹o te Betmarkobat o te Harsarsusim o te Betbiri o te Sharraim. Kuna ninche nkanas enye o metabaiki enkitoria e Daudi.

³²Ore nkang'itie enye naa Efan o Ain o Rimon o Token o Ashan, nkanas imiet.

³³Ore tenebo nena ang'itie enye pooki naamanita o kuna anas ometabaiki Baal, kuna apa imanyiishoritin enye neigero iishoritin enye.

³⁴Meshohab o Yamlek o Yosha apa ilayiok le Amasai.

³⁵Yoel o Yehu apa ilayiok le Yoshibia olayioni le Seraia, olayioni le Asiel.

³⁶Elioenai o Yaakoba o Yeshohaia o Asaia o Adiel o Yesimeil o Benaia

³⁷o Sifa ole Shifi olayioni le Alon olayioni le Yedaia olayioni le Shimri, olayioni le Shemaia

³⁸ore kulo ooipotoki nkarn ninche apa ilkituaak too lmareita lenye, ore nkajijik oo loo menye nebul oleng.

³⁹Eshomo apa ninche enejing'ieki Gedor nepuo enkalo o loosaen lo erata, eing'oru ndaat oo nkerrai enye,

⁴⁰nepuo aatum ndaat sidain teine, amu kelala ina kop, nebor oilole, neserian; ore apa iloomanya ine te dukuya naa ile Ham.

⁴¹Ore kulo ooigeroki nkarn ninche apa loo nkolong'i e Hesekia, olaiguanani le Yuda, neidaikie ilng'oborri lenye o Lmeunin apa oomanya ine, neishieki ninche teine o taata, nemany ninche ina kop enye te nkaraki natii ine ndaat oo nkerrai enye.

⁴²Ore ilkulikae lenye, iltung'ana oobaya iip imiet too le Simeon, nepuo oldoinyo le Seir, ore ilarikok lenye naa Pelatia o Neara o Refaia o Usiel ilayiok le Ishi.

⁴³Neidaikie ninche ilo pisiai apa le Amaleki oisika nebik ninye teine o metabaiki ena olong.