Read Maasai Bible – Biblia Sinyati 2 Intepen 12 Bible Online

2 Intepen 12 - Maasai Bible – Biblia Sinyati bible

2 Intepen 12

¹Ore ake pee eitashe enkitoria e Rehoboam negolu, neiturraa ninye o Siraeli pooki enkitanapata o Laitoriani.

²Ore to lari le miet nkitoria o laiguanani Rehoboam, te nkaraki nataa ninche ilemeisiligayu to Laitoriani, nelotu Shishak olaiguanani le Misiri arasaki Yerusalem.

³Neeta ngarrin oo mbartan enkalifu nabo o iip are, o lakedok loo mbartan nkalifuni ntomoni ile. Nemeikenayu esiana e lelo tung'ana ooetuo tenebo ninye ooing'uaa Misiri, ile Libia o le Sukiim o le Etiopia.

⁴Neya ninye nena anas naasheta sunta e Yuda o meeu abaiki Yerusalem.

⁵Neitoki Shemaia oloiboni le Nkai alotu enetii Rehoboam o lkituaak le Yuda, apa ooiturrurro te Yerusalem te nkaraki Shishak, nejoki ninche, “Nji ejo Olaitoriani, ‘Kitung'uaitie intae nanu, atung'uayie naa sii nanu intae napik intae enkaina e Shishak.’ ”

⁶Ore lelo kituaak loo Siraeli o laiguanani neitobor ate nejo, “Olaitoriani olasipani.”

⁷Ore ake pee edol Olaitoriani ajo eitoborro ate, neitoki ororei lo Laitoriani alotu enetii Shemaia ejo, “Eitoborro ninche ate nemaidaikie nanu ninche, kake kaisho nanu ninche enkiti oitoi napokie, nemebukokini engoro ai shumata Yerusalem te Nkaina e Shishak.

⁸Ore ake eyia keaku ninche isinkan lenyena. Pee etum ninche aatayiolo enkisiaayiare ai o enkisiaayiare oo nkitoriat oo nkuapi.”

⁹Neaku eewuo Shishak olaiguanani le Misiri arasaki Yerusalem; neya ninye ilchumat le nkaji o laitoriani o lchumat le nkaji o laiguanani. Ewa ninye pooki toki. Ewa sii nena long'oi e saabu apa naaitobira Solomon.

¹⁰Neitobir olaiguanani Rehoboam te rishata e nena long'oi ilong'oi o suyai, nepik ninche Nkaik e lelo kituaak le rripore, laa ninche ooing'or kishomi e nkaji o laiguanani.

¹¹Naa ore ake tenelotu olaiguanani alo enkaji o Laitoriani nepuonu ilarripok aanap ninche, neyau atua ina aji e rripore.

¹²Ore ake pee eitobir ninye kewan neibelekenya engoro o Laitoriani apaash ninye, pee meidaikieki ninye tukul. Ore ake etiu neijia neme torrok apa mbaa te Yuda.

¹³Neaku eitagolo apa olaiguanani Rehoboam kewan te Yerusalem. Oloo larin artam o obo apa Rehoboam pee eiteru aitoreisho. Eitoreishe ninye ilarin tomon o isiet te Yerusalem, teina anasa apa nategelua Olaitoriani tiatua iloshon pooki loo Siraeli pee epik enkarna enye ine. Ore apa enkarna e ng'otonye naa Naama, e Amoni.

¹⁴Neas ninye entorroni amu eitu ninye eing'oru Olaitoriani to ltau lenye.

¹⁵Ore apa nkiaasin e Rehoboam ebaiki enkiterunoto o metabaiki enkiting'oto, neigeroki too mbukui oo nkaatini e Shemaia oloiboni le Nkai o ne Ido oladuaani. Ilarrabali apa lemeish kulo te rishata e Rehoboam o Yeroboam.

¹⁶Neirura Rehoboam etua anaa loo menye, nenukari te nkanasa e Daudi, neitoreisho Abija olayioni lenye te rishata enye.