Read Maasai Bible – Biblia Sinyati 2 Intepen 16 Bible Online

2 Intepen 16 - Maasai Bible – Biblia Sinyati bible

2 Intepen 16

¹Ore to lari le tomoni uni o ile le nkitoria e Asa, nelo Baasha olaiguanani loo Siraeli agilunore Yuda, neshet Rama, ejo pee meipang hoo oltung'ani obo anaa ejing'u alo enetii Asa olaiguanani le Yuda.

²Nedumu Asa enkosholai o saabu te lelo shumat le nkaji o Laitoriani, o te nkaji o laiguanani, neirriwaki Benhadad olaiguanani le Siria, apa omanya Damaskas, nejoki,

³“Nchoo metijing'a olning'o erishata ai o iyie, anaa enatiu te papaai lai o te papaai lino. Ng'ura kaairriwaki nanu iyie enkosholai o saabu; shomo tigila olning'o lino o Baasha olaiguanani loo Siraeli; pee aalo aing'uaa nanu.”

⁴Nening Benhadad olaiguanani Asa, neirriwaa ninye ilarikok le njore enye meshomo aagilunore nkanas oo Siraeli, neibung ninche aaisulie Iyon, o Dan, o Abelnaim o nkanas pooki naashumishoreki e Naftali.

⁵Ore ake pee ening Baasha ina neitu eitoki ashet Rama, neitasheyie esiaai enye.

⁶Neitoki olaiguanani Asa aya Yuda pooki, nenap ninche lelo soito le Rama o mbaoi enyena, apa naa ninche eshetishore olaiguanani Baasha, nelo ashetie ninche Geba o Mispa.

⁷Ore apa teina kata nelotu Hanani oladuaani enetii Asa olaiguanani le Yuda, nejoki ninye, “Ore te nkaraki naa olaiguanani le Siria ingarakine, neitu ingarakino Olaitoriani Enkai ino, kitapaashare iyie enjore o laiguanani le Siria.

⁸Amaa enjore e Etiopia o ene Libia, aime enjore kitok naata ngarrin oo mbartan kumok oleng? Eji ore te nkaraki ningarakine Olaitoriani neishoru ninche apik nkaik inono.

⁹Amu ekuet nkonyek o Laitoriani idie o ene tiatua enkop pooki, pee eitodolu enkidimata enye te rishata e lelo lemeeta ileyiat too ltauja lenye tialo ninye. Itaasa iyie ena te modai, amu ore ebaiki ena kata neito idia alo, itum ilarrabali.”

¹⁰Negorokino Asa ilo aduaani, neikenoo ninye te jila neen to lpisia, amu eibayie ninye te nkaraki ina. Neitoki Asa aitaas mbaa e nkarruoisho kulikae ina kata.

¹¹Ore inkiaasin e Asa ebaiki enkiterunoto o metabaiki enkiting'oto neigeroki te mbuku oo laiguanak le Yuda o Israel.

¹²Ore to lari le tomoni uni ooudo le nkitoria enye, netum Asa emuoyian too nkejek nerruoyo ina muoyian enye oleng; ore ake teina muoyian enye neitu ninye eing'oru Olaitoriani. Kake eing'orua eretoto too labaak.

¹³Neirrag Asa etua anaa loo menye, neye ninye to lari liartam oobo le nkitoria enye.

¹⁴Nenukaa ninche ninye te nkurare apa nataguetua ninye, aguetaki kewan te nkanasa e Daudi. Neirragie ninche ninye too sisineta naaiputa ninye ina gumoto nabore mpukunot pooki oo sonkoyoni naaitobiraki te nkarriyiano o laitobirani loo sonkoyoni; neitobir ninche enkima kitok te nkanyit enye.