Read Maasai Bible – Biblia Sinyati Tobit 1 Bible Online

Tobit 1 - Maasai Bible – Biblia Sinyati bible

Tobit 1

¹Ore ena naa enkatini e nkishui e Tobit olayioni le Tobiel, olayioni le Ananiel, olayioni le Aduel, olayioni le Gabael lo lgilata le Asal lo losho le Naftali,

²laa ore too nkolong'i e Shalmanasa olaiguanani le Asiria, oibung'aki te Tisbe, natii moikuape e Galilaya, kopikop e Kadeshi te Naftali te moikuape o loo ntoluo le nkanasa e Hasori o moikuape e Pogor.

³Ore nanu Tobit, nashomo te nkoitoi esipata nataasa isidain te nkishui ai pooki, naa kaas imbaa e nyorrata too lalashera o nkanashera aainei o iltun'gana le nkop ai lairiamariyie enkop e Asiria king'uaa Ninawi.

⁴Ore apa atii enkop ai e Israel, eton ara kiti, neing'uaa olosho pooki le Naftali loo kakuyiaa lai enkaji e Yerusalem. Ine wueji apa negeluno to losho le Israel. Ore loshon pooki le Israel neitayu olasar teine, naa ore Enkaji e Nkai nemayiana ne teshetaki too ishoritin pooki intarasi.

⁵Ore iloshon pooki ootanya eisilig Enkai neitaiki olasar enkitanyaanyukoto e nkai naji Baal, naa neijia sii etaasa enkaji e Naftali kuyiaa lai.

⁶Nanu openy olo anaa ake Yerusalem ina masho, anaa enaikununo too Siraeli pooki too nkitanapat. Naya inkishoorot e dukuya oo nkurman, aisho ilapolosak, ilaiyiok le Aaron, to lperere.

⁷Ore too nkishoorot pooki, kaishooyo ematua e tomon aisho ilayiok le Lawi ooisiaaisho te Yerusalem; ore ae matua e tomon namir, ore entoki nanoto naasishore te Yerusalem,

⁸ore uni te tomon naisho lelo oonarikino anaa enaaitanapa Debora kokoo ai, amu aatung'uayie papa anaa enkerai okishi.

⁹Ore pee abulu aaku olpayian nayam Hana nabo o lmarei lang, ore te ninye naaku menye Tobias.

¹⁰Ore pee aayae eyararoto te Ninawi, ore ilalashera o nkanashera aainei pooki o sotuaitin nenya endaa o iltung'ana loo loreren;

¹¹kake ore nanu neitu anya,

¹²amu atadamua Enkai ai to ltau lai pooki.

¹³Naaisho Enkai e shumata omom, te dukuya Shalmanasa naaku olainyiang'ani le ndaa o laiguanani.

¹⁴Neaku kalo apa Midia, ore atii enkanasa e Ragi te Midia, naing'ueiki Gabal olalashe le Gabras impisai tomon e nkosholai.

¹⁵Kake ore pee eye Shalmanasa, nejung olayioni lenye oji Senakerib, neaku ore teina rishata eitu aitoki alo Midia te nkaraki batisho.

¹⁶Ore too nkolong'i e Shalmanasa nataasa iasat e nyorrata too lalashera o nkanashera aainei.

¹⁷Naisho endaa looata esumash o nkilani lelo lemeishopo; naa ore tenadol iltung'ana ootuata ootanang'ayioki tioriong isunta e Ninawi nanukaa.

¹⁸Kake netaara olaiguanani Senakerib pooki oisikua te Yudea, nanukaa te enkisudoroto, amu ore te ngoro enye netara ilkumok loo Siraeli. Ore teneing'oru olaiguanani iseseni nelau.

¹⁹Nelo olee obo le Ninawi aliki olaiguanani, ajo nanu ogira anukaa iseseni; naisudori pee aning ajo kaagira olaiguanani aing'oru pee aar matua, nalo ang te nkuretisho.

²⁰Neyae imasaa aainei pooki, eitu hoo aaing'uekini toki, enkitok ai ake Hana o layioni lai Tobias aatung'ueikiaki.

²¹Kake ore eton eitu elusoo nkolong'i onom, near ilayiok aare le Senakerib ninye metua, neisikaki oldoinyo le Ararat. Nejung olayioni lenye oji Esahado; negelu Ahika, olayioni lo lalashe lai Anal pee eitasheki enkitoria o e nkarsisisho enye pooki.

²²Naamitu Ahika, nashuko Ninawi. Ore Ahika naa olanapani loo nkikompeni oo lasarri, naa olaitasheikinoni lo lmishire lo laiguanani naa olkitok loo mpisai, negelu Esahado metaa oliaare te nkitoria. Ole nkapu lai apa ninye.