Read Maasai Bible – Biblia Sinyati Tobit 12 Bible Online

Tobit 12 - Maasai Bible – Biblia Sinyati bible

Tobit 12

¹Ore pee elushoo osirua le nkiyama, neipot Tobit olayioni lenye Tobias nejoki, “Enkerai ai, talaaki taa olapa lee le choliek ino, niponiki enkiti toki te shumata.”

²Newaliki ajoki “Papa meeta enatiu tenaisho esashati oo masaa nayauwua.

³Amu aatushukuo enitii te seriani, neishiunye enkitok ai, nikiyautua impesia te nebo, nikitabaa sii iyie.”

⁴Nejo olpayian “Kenarikino.”

⁵Neipot Olmalaika Rafael nejoki, “Iwa esashati oo masaa pooki nikiyautua.”

⁶Neipot olmalaika pokira are nejoki, “Esisa Enkai, nishukokiki enashe, embalie iyasat enyena too iltung'ana pooki. Amu aisidai teneisisi Enkai, neilepunyieki e nkarna neibalunyieki iyasat enyena. Eminaururu ishukokiki enashe.

⁷Aisidai tenerripi inkusudorot o laiguanani kake embalie iyasat e Nkai. Taasa isidain nimitum intorrok.

⁸Enaikash enkomono tenebo esipata o eretoto o laaisinak o iyiasat o sipat alang enkarisisisho natala esipata. Enaikash eretoto oo laisinak alang imasaa e saabu.

⁹Amu ore eretoto o lasinak neyau empalakinoto e keeya naa keitisiny pooki ng'oki. Ore lelo pooki ooas iyasat e nyorrata o eretoto oo laisinak naa ketum enkishui oo ntarasi;

¹⁰kake ore lelo ooas ing'ok naa ilmang'ati le nkishui enye.”

¹¹“Kaliki intae isipat pooki. Atejo, ‘Aisidai tenerripi inkusudorot o laiguanani kake embalie iyiasat e Nkai’

¹²Neaku, ore iyie tenebo o Sara enkitok olayioni ino igirara aaomon, nayau endamunoto e nkomono inyi dukuya ilo Obo Sinyati, naa ore pee ituroo ilootuata natii tenebo intae.

¹³Ore ina olong nitudumunye te misa eitu inya endaa pee ilo anukaa ilo meneng'ani, naairriwua apa Enkai maatetema.

¹⁴Kake aarriwua apa Enkai pee aaishiunye iyie o Sara enkitok olayioni lino.

¹⁵Kara nanu Rafael, obo le lelo malaika oopishana otii dukuya enkisiaayiare o Laitoriani.”

¹⁶Neirut pokira, neureishoyu oleng,

¹⁷kake nejoki olmalaika ninche, “Emiureshoyu; entaseriana. Esisa Enkai intarasi,

¹⁸amu eitu apa alotu te nkaraki nanu kake te nkaraki Enkai, neaku Meisisi Enkai intarasi.

¹⁹Ore kuna olong'i pooki naipang'aka intae neitu anya endaa aashu aok aitoki, kake enduaata itoduaa.

²⁰Neaku entushukoki Olaitoriani Enkai enashe, amu kashuko nanu enetii ninye laairiwua. Eng'ero te mbuku pooki toki nataase.”

²¹Neitashe pooki kake eitu eitoki aadol.

²²Neisis Enkai too sinkolioitin, neshukoki enashe te nkaraki iyasat e nking'asia naitaasa olmalaika le Nkai pee eipang'aki ninche.