Read Maasai Bible – Biblia Sinyati Yudit 10 Bible Online

Yudit 10 - Maasai Bible – Biblia Sinyati bible

Yudit 10

¹Ore pee eidip Yudit atooomono Enkai e Israel,

²nedumunye, neipot ina kitok rrindik enye nelo atua aji anaa enaas oshiake te enkolong e sabato o nkolongi pooki emasho.

³Neitayu ilkuniani o ilkilani e nkoliai, neitukuo neosh erropili oolkarsisi. Neitobir ilpapit neen tenkarasha sidai, neishop ilkilani sidain naaishop naarri nkolong'i emasho eton eishu olpayian lenye Manase.

⁴Neishop inamuka e nkikodo oo ntokitin e sahabu; ilgiso o sakankarri, o mankek too murto pee etil. Eitaa kewan sidai oleng, pee till pooki ngai odol ninye.

⁵Neisho Yudit ina kitok rrindik enye pee enap olbene lo lchoni le naisho oo sabibu o ltulet le ilata. Neiput olbene shairi napejo, mukateni naamelook natoito oo lng'abolo o mukateni naitobiruaki te nkipirta oo nkitanapat o Lyahudi te ndaa. Neen aitobiraki ndaiki pooki neisho erindik enye.

⁶Nepuo nena kituak are inchomito e Betulia, neinepu Usia o ilkituak le enkanasa, Kabris o Karmis eripito enkanasa.

⁷Ore pee edol lelo tung'ana Yudit ebelekenya inkilani, neishopo aitobiraki nekuso, netil tesidano enye lelo kituaak nejoki,

⁸“Inchoo kimayian Enkai oloo papa, neitaa induaat inono enkisulata sidai, pee iyau enkitoo e nkisisa Yerusalem o nkisulata e Israel.” Neomon Yudit Enkai

⁹nejoki, “Entiaki iltung'ana metaboloki inchomito. Aloito aas ina nimakita.” Neitanapi lelo tung'ana ootii pee boloki inchomito,

¹⁰ore ninye Yudit o errindik enye nepuo ainguaa enkanasa. Neduaaya iltung'ana edoyio too ldoinyo aadoiki oerata, omeimiso.

¹¹Ore epuoito nena kituaak are to oerata, neinepu enjore e Asiria nagira amanaa.

¹²Neibung'i Yudit, neikilikuanishore, “Ira enialo orere? Naa kaji ing'uaa? Naa kaji iloito?” “Kara nanu Eheburaniai,” newaliki, “kake aisikita aing'uaa Isiraeli amu keidaikie Enkai ninche.

¹³Aloito aduaare Holoferne Olkitok leina jore, pee aisho olkilikua oisiligayu. Kaitodol enaiko pebaya ildonyo neibung ilo kirine pooki eitu etum oltung'ani lenye obo olbae.”

¹⁴Neing'or iltung'ana oleng amu esidai. Neinig enkatini enye nejoki,

¹⁵“Intajeu enkishui ino amu eawuo aduare olkitok le enjore. Ekirik embata oltung'ana lang enkaji e nkitoo, peyie kitayolouni ninye.

¹⁶Emiureiyu ninye. Toliki enitiaka iyiook naa kitaas sidain.”

¹⁷Neishori Yudit o errindik enye iltung'ana iip nabo oitarioo ometabaiki enkaji e nkitoo e Holoferne.

¹⁸Nejig enking'oling'ol sapuk, olng'obor le Asiria pee bau ilomon enchere ewuo Yudit, nelo ilo kilikuia olng'obor o olng'obor. Ore ninye neitashe tiaulo Olng'obor le holoferne ereshu peyie eitayolouni te dukuya Holoferne, nepuoni sikarini kumok le Asiria amana ninye.

¹⁹Netil esidano enye ninche, neing'asia ninche ejo kaasa eikunono iltung'ana le Israeli. “Kang'ai pasa omen iltung'ana laa esidain kituaak enye anaa ena?” Neikilikuana maate. “Enaikash nikiar iltung'ana pooki aashu entilare Ilyahudi enkop pooki.”

²⁰Nepuonu lelo orripito Holoferne osinkan lenyena pooki, nerik Yudit aaitijig olng'oborr.

²¹Ore inakata negira Holoferne aeng'iyeng'a te endapash natii erreshet enkojong'ani nasheta too usin naapuyiapui o saabu o nkarasha neikodo too soito le nkosolai o soito sidain.

²²Ore peyie elikini ajo etabauwa Yudit, nelotu dukuya olng'obor. Nenapitae iltaai le kosholai orikikoo.

²³Ore peyie elotu Yudit dukuya ninye o sinkan lenyena neirutoki pooki esidano enye. Neirrugo aabaiki enkop te dukuya Holoferne, kake nedumu lelo sinkan le Holoferne.