Read Maasai Bible – Biblia Sinyati Yudit 16 Bible Online

Yudit 16 - Maasai Bible – Biblia Sinyati bible

Yudit 16

¹Nerany Yudit Osinkolio loo nkishooroto e nashe tenebo o ltung'ana pooki loo Siraeli, nerubare iltung'ana teilo sinkolio le nkisisa.

²Nerany ninye, “Meisisa Enkai ang, nikiranyaki ninye; Eisisa olaitoriani too ndulen o too nkinantani dapashi; etaranyaki ninye osinkolio ng'ejuk. Eisisa ninye, nipotipoto eretoto enye.

³Ore Olaitoriani naa olmurani oishu olarabal. Aitajeuo nanu too inkaik olmang'ati lainei naashuku nanu, ashukoki ilng'oborr lo tung'ana lenyena.

⁴Nedou lelo le Asiria too ildonyo le moikuape, olamal le enjore. Nepik ina enjore esuntai olcoro to oearata; neimulaa oldoinyo pooki lakedok loo mbartan.

⁵Eituria iyiook ajo kepejoo enkop ang, kear metuata iltung'ana kutiti too lalema, ore nkera enye kutiti neitaa ndung'udung'ot, neya enkera ang anaa ilooena, ore entoye ang neyaye.

⁶Kake nelej Olaitoriani magilani ninche; neasishore enkitok aitasheye ninche.

⁷Ore oloing'oni lenye nemee osikari kiti otaara ashu ltung'ana sapuki magilani. Yudit entito e Merari, ninye natusulua te sidano enye.

⁸Ninye naishoo enkisulata lelo tung'ana le Israel oironyaki, ina rishata pee eitayu inkilani oo inkolia, neel enkomon enye te ilata, neshet ipapit, neishop inkilani natitila ninye.

⁹Ore namuka enyena neitiship inkonyek, neibung esidano oltau lenye, nedung olalem olgos lenye.

¹⁰Neikirikira lelo le Pasia tekiteunoto enye, neing'asiakino lele le Medes empijan enye.

¹¹Nebuak iltung'ana lang tekisulare. Etashalita apa ninche naitorogonyaki, kake esimakita olmang'atita pee errinyo siadi tekuretisho.

¹²Kira iyiook eishoi oo irrindiki, kake ebelekenyate ilmang'ati nekwet; kitaara ninche anaa irrindiki, Etumuta enjore Olaitoriani ninche.”

¹³“Karanyaki Enkai ai, osinkolio ng'ejuk, Olaitoriani egol iyie, niata enkishiaa! Eitua akata kimiri.

¹⁴Inchoo kisiaai ing'uesi pooki. Amu inchooyie ake iyie enkitanapa, nepuonu aaku ketii pooki, nekutaki enkiyang'et ninche, netaa pooki. Meetai hoo obo oany enkitanapa ino.

¹⁵Keikirikira ildoinyo o naiposha, neshola ndapidapoi anaa nkapo, tininyiku. Kake iyata olng'ur te lelo pooki likiyanyit iyie.

¹⁶Keshipakino Olaitoriani lelo oyanyit ninye, alang inkiri sidai to olperere lo lasar, aashu esonkoyo olasar.

¹⁷Ore nena kuapi pooki netudumunye te nkaraki iltung'ana laainei lemeeta tipat. Keitame Olaitoriani magilani ninche enkolong enkiting'oto. Keirriu ninye enkima o ilkuru pee enya iseseni lenye, keishir ninche temion intarasi.”

¹⁸Ore peyie ebaya iltung'ana Yerusalem, neitisiny ninche aate, neserem Enkai. Neitayu ilasari oopejori o olasar lo lpela o nkishoorot.

¹⁹Neitisinyaki Yudit Enkai, nena masaa pooki e Holoferne, naishu iltung'ana ninye. Neyau ninye anaa olasar sidai lenkitabaroto olmanya, ina reshet enkojong'ani naitayo te ndapash e Holoferne aitaiki Olaitoriani.

²⁰Ore te rishata olapaitin okuni, neinosa iltung'ana emasho te dukuya enkaji e Nkai te Yerusalem, netaboitare Yudit ninche.

²¹Ore peyie eishunye emasho, neshuko pooki ng'ai, inkang'itie enye, nelo ninye Yudit ashuko Betulia alo aton to enkurman enyena. Ore te inkishui enye pooki neaku ning'oti ninye te enkop pooki e Israel.

²²Neyeu iltung'ana kumok neyama, kake eitu eitokini ayam ninye anaa neye olpayian lenye Manase.

²³Etaa ninye yioloti, nemoruau te enkaji o lpayian lenye, neitabaya ilarin iip nabo o miet, neing'uaa errindik enye meshomo. Neye te Betulia, nenukari ninye tenkapune olpayian lenye Manase,

²⁴Nepukoo Israel inkolong'i naapishana. Ore eton eitu eye, netooro Yudit imasaa olpayian lenye, aoriki isotuaitin lo payian lenye o osotua lenye otaana.

²⁵Ore inkolong'i pooki eishu Yudit, o larin kumok eidipa atua meetai oltung'ani otejo aiture iltung'ana le Israel.