Read Maasai Bible – Biblia Sinyati Enaidurra 18 Bible Online

Enaidurra 18 - Maasai Bible – Biblia Sinyati bible

Enaidurra 18

¹Nening Yesro, ilo apolosani le Midian, olaputani le Musa, nena pooki naaitaasa Enkai Musa o Siraeli iltung'ana lenyena, eneikunuwua Olaitoriani eitayu Isiraeli aitung'uaa Misiri.

²Nelotu ninye enetii Musa, neshoru te nebo ninye Sipora, enkitok e Musa natung'uayioki apa te siadi

³o Gerishom o Eliesa, ilayiok lenyena pokira oaare. (Etejo Musa, “Ataa apa olomoni te nkop eeiking'a neaku etejo olayioni obo Gerishom.”)

⁴Ore enkarna o likae naa Eliesa. (Amu etejo, “Enkai apa e papa lai ereretoto ai, naaitajeu nanu to lalem le Farao.”)

⁵Nelotu Yesro, olaputani le Musa o layiok lenyena o enkitok enye enetii Musa to lpurkel teine apa netipika ilng'oborri to ldoinyo le Nkai.

⁶Nelotu oltung'ani oriua Yesro ajoki Musa, “Elotu olaputani lino, Yesro, enitii tenebo enkitok ino o layiok linono pokira oaare,”

⁷neipang Musa alo anang'are olaputani lenye, neirrugokino neng'utut ninye; neikilikuana maate ilomon lenye nejing ninche atua olng'obor.

⁸Neliki Musa olaputani lenye nena pooki naaitaasa Olaitoriani Farao o Ilmisiri te nkaraki Isiraeli, o sinaitin oogol pooki ooetuo shumata ninche te nkoitoi.

⁹Neng'idayu Yesro te pooki sidai naitaasa Olaitoriani Isiraeli, teina nayawua ninche aitung'uaa enkaina oo Lmisiri.

¹⁰Nejo Yesro, “Meisisi Olaitoriani, laa ninye oitajewuo intae aitung'uaa enkaina oo Lmisiri neitung'uaa enkaina e Farao.

¹¹Kayiolo taata ajo aikitok Olaitoriani alang inkaitin pooki, amu eyaua iltung'ana aitung'uaa abori enkaina oo Lmisiri ina kata apa eisikong ninche.”

¹²Neitayu Yesro, olaputani le Musa, enkishooroto olasar opejori o nkishoorot naapolosakini Enkai, nelotu Aron te nebo o lpayiani pooki loo Siraeli aanya endaa te nebo olaputani le Musa te dukuya Enkai.

¹³Ore ake pee ekenyu neton Musa arish iltung'ana, neitashe iltung'ana aaman Musa ebaiki tadekenya o metabaiki teipa.

¹⁴Ore ake pee edol olaputani le Musa nena pooki naasita te nkaraki iltung'ana, nejo, “Kainyoo ena niasita te nkaraki iltung'ana? Kainyoo pee iton openy, nikintashe aaman iltung'ana pooki ebaiki tadekenya o metaa teipa?”

¹⁵Nejoki Musa olaputani lenye, “Te nkaraki napuonu iltung'ana enatii aaikilikuanu mbaa e Nkai.

¹⁶Ore te neeta enchankar nepuonu enatii narish nanu oltung'ani o ilo le latia enye, naitayiolo nanu ninche nkitanapat e Nkai o nena naatejo ninye.”

¹⁷Nejoki olaputani le Musa ninye, “Ore ena niasita neme sidai.

¹⁸Ore iyie o ltung'ana liboitare iariara ate, amu keiroishi ena te iyie; nimindim ataasa openy.

¹⁹Toning'o naa enaajoki amu kaaikok, metaa Enkai te nebo o iyie! Ilo iyie aitashe te dukuya e Nkai niyaa inkolati oo ltung'ana dukuya e Nkai;

²⁰ninteng'en ninche nkitanapat o naatejo, nintayiolo ninche enkoitoi napuoyie o enaishiaakino neas.

²¹Naa tegelu iltung'ana oata enkidimata too ltung'ana pooki, lelo ooure Enkai, iltung'ana ooisiligayu neiba eropare, nipik kulo payiani shumata iltung'ana aitaa ilarikok loo nkalifuni, loo maa iip, loo moo onom o loo maa tomon.

²²Nincho ninche meiguanare iltung'ana nkatitin pooki; ore pooki bae sapuk neyau enitii kake ore embae kiti neiguanare oopeny, pee eleleku te iyie nenap sii ninche olola te nebo o iyie.

²³Te nias ena, anaa enikirikoo Enkai, naa ina kata ineneng'u, nepuo sii kulo tung'ana pooki ewueji enye te seriani.”

²⁴Nening Musa enkikoo o laputani lenye neas nena pooki naatejo ninye.

²⁵Negelu Musa iltung'ana ooata enkidimata tiatua Siraeli pooki, neitaa ninche ilaguanak looltung'ana, ilaitoriak loo nkalifuni, loo maa iip, loo moo onom o loo maa tomon.

²⁶Neiguanare ninche iltung'ana nkatitin pooki; ore ilomon oogol neyaki ninche Musa, kake ore embae pooki kiti neiguanare oopeny.

²⁷Neisho Musa olaputani lenye meshomo, neibung ninye enkoitoi alo enkop enye.