Read Maasai Bible – Biblia Sinyati Yoab 26 Bible Online

Yoab 26 - Maasai Bible – Biblia Sinyati bible

Yoab 26

¹Neitoki Yob awal ajo:

²“Kebaa eretoto nitareto ilo lemeeta engolon! Intajewuo ina aina nemeeta engolon!

³Inkoo ilo lemeeta eng'eno nagut, nincho ninye te leng'on eng'eno sapuk.

⁴Ai te retoto e ng'ae iyie iroro irorei naa ae te nkiyang'et e ng'ae etupukutuo te iyie?

⁵Keikirikira iloipi liabori, o nkariak o lelo oomanya.

⁶Meishopo enemeneng'a te dukuya Enkai, nemeeta Abadon (ewueji e mutata) entoki naitoipieki.

⁷Eisalaash moikuape aisalaashaki olng'am neik enkop aililioki olng'am.

⁸Keen inkariak too nkatampo naairrusha, nemepolosa inkatampo tiabori ninche.

⁹Keitoip ninye olapa neisalaashaki ninye enkatampoi enye.

¹⁰Etuutua olokelel tioriong inkariak, to lpolosie le rishata ewang'an o enaimin.

¹¹Keikirikira ing'apeta e keper, neirut aaiputukuny te nkisikong'ata enye.

¹²Keitigir enaiposha te ngolon enye; te ng'eno enye etoosho Rahab.

¹³To lkutati lenye eitisidanaki keper; nerem enkaina enye olasurai oilanyisho.

¹⁴Ng'ura ajo, ore kuna naa nkuti ake oo nkoitoi naa kebaa enkitisho e nking'oming'om oo mbaa enyena nikitoning'o! Naa amaa endarata e ngolon enye, aing'ae oidim atoning'u?”