Read Maasai Bible – Biblia Sinyati Yoab 28 Bible Online

Yoab 28 - Maasai Bible – Biblia Sinyati bible

Yoab 28

¹Kesipa ketii ewueji neturunyeki enkosholai, netii ewueji nesilieki saabu.

²Keitayuni esekenkei te nkop, nesholuni osuyai te nterit enye.

³Keishie tung'ani emisimisi nelimana aaing'oru ilo soit ogol enkiny'ang'a otii olpolosie olakua te naimin nagut.

⁴Ketur ineeimi too nong'ot nemetaaniki iltung'ana; meekure edamu ninche lelo apuayak. Keililio ninche too neelakuaniki iltung'ana neyuko inkaloli pooki.

⁵Enkop ninye epukunye endaa; kake ore tiabori ninye neibelekenyi aitaa enkima.

⁶Ore isoito lenyena neeta ewueji oo soito sidain, neeta enterit e saabu.

⁷“Ore ina oitoi nemetii olmotonyi onya nkiri oyiolo, neitu edol enkong'u o lmotonyi odolisho oleng.

⁸Ore ng'uesi naawuasa, neitu eitunyoo ine; neitu eim olng'atuny shumata enye.

⁹“Ketur iltung'ana osoit ogol oleng, neibeleleng'oo ildoinyo too ntona enye.

¹⁰Keturu ineeimi too ndapidapo, nedol enkong'u enye pooki toki sidai.

¹¹Keen ninye inchorroi pooki pee meitoki aaitong, ore entoki naisudoro neyau atua ewang'an.

¹²“Kake ai tiaji etumi eng'eno nagut? Naa koree ewueji ening'unoto?

¹³Meyiolo oltung'ani enkoitoi nalo ine, nemetumi ninye te nkop oo looishu.

¹⁴Kejo enguton, ‘ime nanu etii’; nejo enaiposha ime nanu etii.

¹⁵Metumi ninye te saabu, nemeineneng'i enkosholai metaa elaata enye.

¹⁶Metemieki ninye saabu e Ofir[3], nemetemieki enkosholai sidai.

¹⁷Ore saabu o enkosholai nemerisiore ninye, nemewalunyeki isoito le saabu nasila.

¹⁸Meitasimi aatemaki isoito oogol enkinyiang'a, ore enkinyiang'a e ng'eno nagut nelang isoito oogol enkinyiang'a.

¹⁹Ore isoito oogol enkinyiang'a ooji Topas le Etiopia, nemeitanyaanyukieki ninye, nemeitanyaanyukieki ninye saabu nasila.

²⁰“Kaji naa doi eing'uaa eng'eno nagut? Naa koree ewueji e ning'unoto?

²¹Eisudoyioki too nkonyek e pooki toki naishu; nenukari pee medol imotonyi o loing'ang'e.

²²Nejo Abadon o keeya, ‘Kitoning'o iyiook olmarenke too nkiyiaa ang.’

²³“Keyiolo Enkai enkoitoi nalo ine, neyiolo ewueji enye.

²⁴Amu keing'or ninye inkiting'ot e nkop, nedol pooki toki natii abori keper.

²⁵Ore pee eisho enkijape enkiroishi enye, neyiolou eneba endapasho e naiposha.

²⁶Neitobiru too rorei enchan, neitobiru enkoitoi enkiwuang'ata e ndarata;

²⁷nedol ninye neibalie ninye; neitasheyie ninye, neing'oru ninye.

²⁸Nejoki ninye oltung'ani, ‘Ng'ura ajo ore, euriata Olaitoriani naa ninye eng'eno nagut, naa tining'uaa ntorrok naa ninye ening'unoto.’ ”