Read Maasai Bible – Biblia Sinyati Yoab 4 Bible Online

Yoab 4 - Maasai Bible – Biblia Sinyati bible

Yoab 4

¹Ina pee ewal Elifas le Teman ajo:

²“Amaa tenikishirraki oltung'ani airorie, igoro Naa kaing'ae oidim atigirayu eitu eiro.

³Ituutayie lkumok, nintagolo inkaik nemeeta engolon.

⁴Ore irorei linono neitasheyie ilo orrorro nintagolo inkung naashal.

⁵Kake ore taata kitabaikia iyie, nimindim ating'iria; kimbung'a iyie nimimputukuny.

⁶Amaa euriata ino e Nkai aime ninye empijan ino naa enkitashoto sidai oo nkoitoi inono ninye osiligi lino?

⁷“Tadamisho sii iyie, kalo aekata ilo loo supati oidaayie? Anaa aitiaji aekata etudung'oyioki, lelo ooitashe too sipat?

⁸Ore anaa enatoduaa, ore lelo ooun entorroni; neun enyamali naa ninye ejung.

⁹Ore te nkiyang'et e Nkai naa keidak, ore te ndarata e ngoro enye neijori ninche.

¹⁰Ore ina kikurrukur o lng'atuny, o ilo toilo lo lng'atuny pushati, o lelo ala le lelo ng'atunyo ooti negili.

¹¹Ore ilo ng'atuny ogol neish te nkaraki natala entoki nanya, ore inkera e ng'atuny neidapashari.

¹²“Aayakaki olomoni aakurraki, neng'amu enkiok ai ina king'oming'omakinoto.

¹³Tiatua indamunot naaing'uaa induaat e nkewarie, ina kata etijing'a injo naairoishi iltung'ana.

¹⁴Nelotu shumata nanu enkuretisho sapuk o lokirikiri ina naikirikirie iloik laainei pooki.

¹⁵Nekut enkiyang'et enkomom ai, ore ilpapit lo sesen lai neitashe.

¹⁶Neitashe aauno kake eitu nanu amusu eneikununo. Etii apa enkitanyaanyukoto dukuya nkonyek aainei; netii engira, ina pee aning oltoilo:

¹⁷‘Keidim oltung'ani oye ataa sinyati te dukuya Enkai? Keidim oltung'ani ataa sinyati te dukuya Olaitobirani lenye?

¹⁸Ore doi ninye too laisiaayiak lenyena mepik ninye osiligi, ore ilmalaika lenyena neikenaki enkitadiaata.

¹⁹Kebaa elus lelo oomanya inkajijik e sarng'ab laa ore olkitamanyunoto lenye netii atua enterit, lelo oorrarri anaa naiba osina[2].

²⁰Ore teneitoriti entadekenya o enteipa nemuti; neish ninche intarasi meeta hoo oloyiolo.

²¹Nemuti aaya olng'obor lenye aimemuta ninche aaye, neton ake meeta eng'eno nagut?’