Read Maasai Bible – Biblia Sinyati Yoab 8 Bible Online

Yoab 8 - Maasai Bible – Biblia Sinyati bible

Yoab 8

¹Neitoki Bildad le Shushi awal ajo:

²“Ke rishata nabaaa ijo kuna baa, ore irorei le nkutuk ino nemeata tipat, etiu anaa osiwuo kitok.

³Amaa, kemerregel Enkai esipata? Amaa kemerregel Olmagilani enasipa.

⁴Amaa tenetaasa inkera inono eng'oki aaitaas Enkai, eitarasayie ninye ninche apik engolon oo ntorrok enye.

⁵Tening'oru iyie Enkai, nisai iyie ilo Magilani;

⁶tenaa aira sinyati nintashe too sipat, nesipa katukul inchere ekedumunye ninye te nkaraki iyie; nikilaaki ninye iyie te wueji neishaakino nimany.

⁷Neaku ore hoo duoo naa kiti apa enkiterunoto ino, keaku inkolong'i inono naapuonu kumok oleng.

⁸“Aatoomonon inkilikuanu too lporori ooshomo, nijurru ayiolou nena naanoto iloo papa;

⁹amu ore iyiook nikira ile ng'ole, nimikiyiolo pito, amu ore inkolong'i ang ti oriong enkop naa oloip.

¹⁰“Aimikinteng'en ninche iyie, nikiliki iyie, nelimu irorei tening'unoto enye?

¹¹Keidim enarau atubulu te wueji nemetii enkare? Keidim oseyiai atubulu tewueji nemetii enkare?

¹²Ore eton aa entapukai eitu edung'i, netoyu ninche engor ae aitubului ake.

¹³Neijia etiu inkoitoi e lelo pooki oorikino Enkai amu ore osiligi le lelo tung'ana lemeeta Enkai naa keidak.

¹⁴Ore enkirukoto osiligi lenye negila ina kata naa neijia etiu osiligi lenye le nkaji o lkedi.

¹⁵Eirishakino ninye enkaji enye nemeitashe ina aji; eibung ninye ina aji enye, kake meitashe.

¹⁶Ebulu iltung'ana torrok anaa endiati natii ewueji netii enkolong, neibulaa ilukuny aaidapashakino enkurma enye.

¹⁷Ore intona enye neman aaen isoito, neton ninye tiatua lelo soito akurrakino.

¹⁸Naa teneari aamut ninye te wueji enye, naa kemiki ninye, ejoki ‘Eitu aekata aadol.’

¹⁹Ing'ura, ena enchipai enkoitoi enye; nepuku tiatua enkop kulie aabulu.

²⁰“Ing'ura ajo, meany Enkai oltung'ani lemeeta entioto, nemeng'amaa enkaina oo laasak loo ntorrok.

²¹Aikintoki ninye aigil aiput enkutuk ino enkuenia nepik enkutuk ino embuakunoto.

²²Ore lelo likimba iyie naa keishopokini ninche enkurruna, ore ilo ng'obor loo ltorrok, nemeitokini aata.”