Read Maasai Bible – Biblia Sinyati Olkerempe le Nkai 138 Bible Online

Olkerempe le Nkai 138 - Maasai Bible – Biblia Sinyati bible

Olkerempe le Nkai 138

¹Olkerempe le Daudi. Kaaisho nanu iyie enashe, Olaitoriani, to ltau lai pooki; ore te dukuya nkaitin narany nanu enkisisa ino.

²Airrugo nanu aing'or enkaji ino sinyati naisho enashe enkarna ino te nkaraki enyorrata ino nauno o esupatisho ino; amu ilepie aitulus te pooki enkarna ino o rorei lino.

³Ore te nkolong naaipoto nanu, nikitawalikia, ore engolon ai o ltau nikitoponikia.

⁴Ore ilaiguanak pooki le nkop naa eikisis iyie, Olaitoriani, amu etoning'o ninche irorei le nkutuk ino;

⁵naa kepuo ninche aarany isinkolioitin loo nkoitoi o Laitoriani, amu aikitok enkitoo o Laitoriani.

⁶Ore hoo netii Olaitoriani shumata, keing'or ninye ilo obor; ore ilo owuasa neyiolo ninye elakua.

⁷Ore ninye te nalo aim empolos e nyamali, igolie ake enkishui ai; intorioo iyie enkaina ino aibooyo engoro napi oo lmang'ati laainei, naa enkaina e tatene naakordu nanu.

⁸Keitabaya Olaitoriani enyorrata enye te nanu; ore enyorrata ino nauno, Olaitoriani, kebikoo ntarasi. Minturraa iyie esiaai oo nkaik inono.