Read Maasai Bible – Biblia Sinyati Olkerempe le Nkai 24 Bible Online

Olkerempe le Nkai 24 - Maasai Bible – Biblia Sinyati bible

Olkerempe le Nkai 24

¹Osinkolio le Daudi. Eno Laitoriani enkop o ntokitin pooki naabore o lelo oomanya;

²amu ninye oitamanyua too naaiposha, neitasheyie too lkejek.

³Kaing'ae olo aked ilo doinyo lo Laitoriani? Naa kaing'ae olo aitashe te wueji enye sinyati?

⁴Ilo osinya nkaik neeta oltau owang, ilo lemedumaki oltau lenye entorroni, nemenya olmumai le lejare.

⁵Keng'amu ninye emayianata naing'uaa Olaitoriani, neng'amu esupatisho naing'uaa Enkai e njeunoto enye.

⁶Ore ilaaijo kulo, naa eishoi e lelo ooing'oru ninye, lelo ooing'oru enkomom e Nkai e Yakobo.

⁷Entaboloto na shomito! Entaboloto intae na shomito musan! Pee etum Olaiguanani le nkitoo atijing'u.

⁸Kaing'ae Olaiguanani le nkitoo? Olaitoriani ogol magilani, Olaitoriani magilani to larrabal!

⁹Entushumu ilukuny inyi na shomito! Nidumunyenye intae, na shomito musan! Pee etum Olaiguanani le nkitoo atijing'u.

¹⁰Kaing'ae Olaiguanani le nkitoo? Olaitoriani loo lororani, ninye Olaiguanani le nkitoo!