Read Maasai Bible – Biblia Sinyati Olkerempe le Nkai 26 Bible Online

Olkerempe le Nkai 26 - Maasai Bible – Biblia Sinyati bible

Olkerempe le Nkai 26

¹Osinkolio le Daudi. Inguanareki nanu, iyie Olaitoriani, amu ashomo nanu te supatisho ai, naaisiliga nanu iyie Olaitoriani metii enking'aing'ai.

²Tujurroki nanu Olaitoriani nikitem; tetema oltau lai o ndamunot aainei.

³Amu etii ina nyorrata ino nauno dukuya inkonyek aainei, nalotu nanu te sipata enitii.

⁴Maton nanu te nebo iltung'ana torrok, nemashulare nanu isunkuro.

⁵Kaiba nanu encholiek o laasak loo ntorrok, nematon nanu te nebo ilarruok.

⁶Naa kaituku inkaik aainei ajo maata entioto, nalo aman olasar lino, iyie Olaitoriani,

⁷abuaku aranyita osinkolio le nashe, nalimu nkiaasin inono e nking'asia.

⁸Olaitoriani, kanyor nanu emanyisho e nkaji ino, o ewueji netii enkitoo ino.

⁹Mikindaikie nanu aiwuang'ie tenebo laing'okok, teleku enkishui ai te lelo ooata enkure o sarge

¹⁰iltung'ana laa ore inkaik enye nebore osarge, ore inkaik enye e tatene nebore ntokitin e ropare.

¹¹Kake ore nanu naa te supatisho ino alo; talakuaki nanu niking'urrie nanu.

¹²Eitashe inkejek aainei te wueji neitoriori; ore tiatua eumata kitok naisis nanu Olaitoriani.