Read Maasai Bible – Biblia Sinyati Olkerempe le Nkai 4 Bible Online

Olkerempe le Nkai 4 - Maasai Bible – Biblia Sinyati bible

Olkerempe le Nkai 4

¹Enetii olautaroni le ranyare: too nkai oo mpit. Osinkolio le Daudi. Tawalikiaki nanu te naaipot, iyie na Ai e sipata ai! Kinchoo iyie nanu erishata ina kata atii atua osina. Ing'urrieki nanu, nining enkomono ai.

²Lo tung'ana, ekintukurrurru kenya o anu? Inyorrurru intae irorei le pesho o anu, nirubarere elejare?

³Kake tayiolo nchere, etegelaka Olaitoriani kewan ilo oure ninye; kening Olaitoriani te naipot nanu ninye.

⁴Entagoroto kake emiaas ing'ok enguanata too ltauja linyi too ndapashi inyi, nigirara.

⁵Ntayu ilasarri oosipa nipik osiligi lino atua Olaitoriani.

⁶Etii ilkumok oojo, “Oi naaji tenaa eikidol iyiook embae sidai. Ng'urrie iyiook, Olaitoriani!”

⁷Itipika iyie eng'ida kitok oltau lai nalang eng'ida naata ninche teneponari entapa enye o enaisho oo sabibu.

⁸Te seriani nanu airrag airura, amu iyie ake Olaitoriani likincho matobiko te seriani.