Read Maasai Bible – Biblia Sinyati Olkerempe le Nkai 41 Bible Online

Olkerempe le Nkai 41 - Maasai Bible – Biblia Sinyati bible

Olkerempe le Nkai 41

¹Enetii olautaroni le ranyare: Osinkolio le Daudi. Emayiana ilo oiken olaisinani! Kekordu Olaitoriani ninye te nkolong e nyamali;

²kemitu Olaitoriani ninye neitopok; keji olomayiana te nkop; minchooyo iyie ninye apik eyieunoto oo lmang'ati lenyena.

³Keitagol Olaitoriani ninye te ndapash enye; ore te muoyian enye nishiunye ninye pooki leyiata.

⁴Ore tialo nanu, atejo, “Olaitoriani, ing'urrieki nanu; nchiunyeki nanu, amu ataasa nanu eng'oki tialo iyie!”

⁵Keiro ilmang'ati laainei entorroni tialo nanu, ejo, “Kanu kenya eye ninye, pee eish enkarna enye!”

⁶Naa tenaalotu oltung'ani aduaare neiro ninye irorei le pesho, nesot ntorrok to ltau lenye; ore pee eipang alo neidapashaki enkop pooki.

⁷Ore lelo pooki laaiba nanu neing'oming'om te nebo aaimaki nanu; nemusu ninche ntorrok tialo nanu.

⁸Nejo ninche, “Etijing'a ninye entaboi; meekure aekata edumunye teine neirragie.”

⁹Ore ninye olchore lai lo ltau apa laisiliga nanu, oshi onya endaa ai, naatudumakine ninye nanu.

¹⁰Kake ing'urrieki iyie, Olaitoriani, tudumuaki nanu pee atum aitalaku elap te ninye!

¹¹Tena nanu ayiolou nchere, ekishipakino iyie nanu, nchere eitu eisulu olmang'atinta lai te nanu.

¹²Kimbung'a iyie nanu te nkaraki naas isupati, nikipik nanu dukuya ino ntarasi.

¹³Meisisi Olaitoriani, Enkai e Israel, ntarasi o ntarasi! Eesai, Eesai.