Read Maasai Bible – Biblia Sinyati Olkerempe le Nkai 53 Bible Online

Olkerempe le Nkai 53 - Maasai Bible – Biblia Sinyati bible

Olkerempe le Nkai 53

¹Enetii olautaroni le ranyare: Anaa oltoilo le ranyare oji mahalat. Osinkolio le nkarriyiano oiteng'enisho le Daudi. Ejo olmodai to ltau lenye, “Metii Enkai.” Etarruoitie ninche, neas olminong torrono, meetae ninye obo oas isidain.

²Neing'or Enkai kop etii keper, aing'or inkera e tung'ani pee edol tenaa ketii obo ng'en oing'oru Enkai.

³Etorrinyote pooki aapuo siadi, etarruoitie pooki; meetae hoo obo oas esidai, a'a, metii hoo obo.

⁴Aimeeta kulo ooas intorrok indamunot, kulo oonya iltung'ana laainei anaa endaa, nemeipotu ninche Enkai?

⁵Etijing'a ninche olkirutoto kitok, olkirutoto leitu aekata etumi! Amu keidapash Enkai iloik le lelo lemeure Enkai, keitukurruni ninche, amu etanya Enkai ninche.

⁶Oi elotu enkordunoto e Israel eing'uaa Sion! Ina kata errinyu Enkai iltung'ana lenyena, neng'idayu Yakobo neshipayu Israel.