Read Maasai Bible – Biblia Sinyati Olkerempe le Nkai 75 Bible Online

Olkerempe le Nkai 75 - Maasai Bible – Biblia Sinyati bible

Olkerempe le Nkai 75

¹Enetii olautaroni le ranyare: Osinkolio le Asaf. Kincho iyiook iyie enashe, Enkai, kinchoru enashe; kimpot iyiook enkarna ino nikinken nkiaasin inono e nking'asia.

²Ore teina kata nategeluaki, naa kaiguana nanu too sipat.

³Te neikirikira enkop o lelo pooki oomanya, nanu ilo oitasheyie ing'apeta enyena.

⁴Atiaaka nanu ilo owuasa, “Mintoki awuasa,” najoki ilo torrono, “Tapala olwuasa;

⁵Miwuasayu iyie, anaa iro imolesh emurt.”

⁶Amu mme oloo saen, neme oloo ntoluo, neme ong'ata enkilepata;

⁷kake Enkai naiguana te sipata; neitadou obo neilepunye olikae.

⁸Amu enkaina o Laitoriani etii enkikompe, etii enaisho naitokitok naing'oling'olaki aaitobiraki, nepiku ninye, neok lelo aarruok pooki.

⁹Kake kang'ida nanu ntarasi, karanyaki enkisisa e Nkai e Yakobo.

¹⁰Ore nena mowuarak pooki e ilo torrono naa kedung'oo ninye, ore mowuarak e ilo supat naa keilepieki.