Read Maasai Bible – Biblia Sinyati Olkerempe le Nkai 77 Bible Online

Olkerempe le Nkai 77 - Maasai Bible – Biblia Sinyati bible

Olkerempe le Nkai 77

¹Enetii olautaroni le ranyare: anaa enajo Yedutun, Osinkolio le Asaf. Aishiraka nanu Olaitoriani te mbuakunoto nabuaaki Enkai pee aatum atoning'o nanu.

²Ore te nkolong e ngolikinoto ai, naing'oru nanu Olaitoriani; ore teina kewarie neitoriori enkaina ai menauru, neany oltau lai eitigiri.

³Kadamu nanu Enkai, naisina; naibirribir naiminie osiligi.

⁴Iyie obol inkonyek aainei pee meikeno; atanyamala nanu neaku maidim airoro.

⁵Atadamua nanu nkolong'i e apa, nadamu ilarin liapa moitie.

⁶Naibirribir to ltau lai kewarie: nalimana adamisho to ltau lai.

⁷“Amaa, keiturraa iyiook Olaitoriani ntarasi, nemeitoki aata esupatisho katukul?

⁸Keishunye enyorrata enye nauno ntarasi? Keeuo enkiting'oto oo nkisiligat enyena nkatitin pooki?

⁹Ketorikine Olaitoriani olng'ur? Keibooyie ninye olng'ur lenye te ngoro enye?”

¹⁰Najo nanu, “Osina lai ele, ore enkaina e tatene e Ilo otii Shumata Aisul neibelekenye.”

¹¹Kapik nanu ndamunot aainei nena kiaasin e nking'asia o Laitoriani; ee, kadamu nanu nena apa e nking'asia nitaasa.

¹²Kadamu nanu isiaaitin inono pooki, naing'asia te nena kiasin magil.

¹³Kesinya enkoitoi ino, Olaitoriani, kaa ai kitok anaa Enkai ang?

¹⁴Iyie Enkai naas ine nking'asia, naa iyie oibalunye emagilanisho ino tiatua iloreren.

¹⁵Iyie otokordua iltung'ana te nkaina ino, lelo ayiok le Yakobo o Yosef.

¹⁶Ore ake pee kidol iyie nkariak, Olaitoriani, ore ake pee kidol iyie nkariak, neureishoyu ninche, ee, neikirikira enguton.

¹⁷Nebuku nkatampo enkare; neitayu oloing'ang'e enkikurrukur; neimerlel mbaa inono te pooki shoto.

¹⁸Etii oltoilo le ndarata ino atua oleimua;[9] ore nkiwuang'at inono neitawang enkop; neikirikira enkop, neigirigiro.

¹⁹Netii apa enkoitoi ino atua enaiposha, neim enkoitoi ino atua inkariak kumok; nemelioo sii iroruat inono.

²⁰Iyie otorikoyie iltung'ana linono anaa eluaata oo ntare, te nkaina e Musa o Aron.