Read Maasai Bible – Biblia Sinyati Olkerempe le Nkai 85 Bible Online

Olkerempe le Nkai 85 - Maasai Bible – Biblia Sinyati bible

Olkerempe le Nkai 85

¹Enetii olautaroni le ranyare: Osinkolio loo layiok le Kora. Olaitoriani, ira apa iyie supat te nkop ino; itorrinyuo iyie olpisiai le Yakobo.

²Itapalaka iyie entorroni oo ltung'ana linono, nipalaki iyie ing'ok enye pooki.

³Itorrinyo iyie engoro ino pooki; nimbelekenya iyie aing'uaa ina goro ino napi.

⁴Ngila torrinyu iyiook, Iyie Enkai e njeunoto ang, niwuang'ie engoro ino te iyiook!

⁵Igorokino iyie iyiook intarasi? Intoodor iyie engoro ino aitabaiki iishoritin pooki?

⁶Eimingil iyie aitopiu iyiook, pee etum iltung'ana linono aating'idata te iyie?

⁷Ntoduaa iyiook enyorrata ino nauno, Olaitoriani, nincho iyiook enjeunoto ino.

⁸Nchooki nanu matoning'o enajo Olaitoriani Enkai, amu keiro ninye eseriani too ltung'ana lenyena, too sinyat lenyena o te lelo ooibelekenyakino ninye too ltauja lenye.

⁹Esipa ketaana enjeunoto enye te lelo ooure ninye, pee etum enkitoo atobiko te nkop ang.

¹⁰Ketumo enyorrata nauno o esupatisho, neng'ututa esupatisho o eseriani te nebo.

¹¹Nebulu ailepu te nkop esupatisho, neirrugo esupatisho te shumata aing'or enkop.

¹²Ee, keishoru Olaitoriani ina sidai, ore enkop ang neiu ilng'anayio kumok.

¹³Kelo esupatisho te dukuya ninye, neitaa iroruat enyena enkoitoi.