Read Maasai Bible – Biblia Sinyati Olaikooni 5 Bible Online

Olaikooni 5 - Maasai Bible – Biblia Sinyati bible

Olaikooni 5

¹Irrita iroruat inono ina kata iloito enkaji Enkai, enaikash tininyikaki ainining alang tinintayu ilo asar loo lmoda; amu meyiolo ninche aajo entorrono easita.

²Mikuetiki airo te nkutuk ino, nimincho oltau lino ekuetiki airo irorei te dukuya Enkai, amu etii Enkai keper, nitii iyie oriong enkop; metaa inchoo irorei linono eaku kuti.

³Amu kelotu enkidetidet too siaaitin kumok, ore oltoilo lo lmodai naa too rorei kumok.

⁴Teninya olmumai te Nkai ajo intayu toki, mimutie ake eitu ilak; amu meeta ninye enchipai too lmoda. Talaa ina ninosie olmumai.

⁵Enaikash tiniminya olmumai alang tininya nimilak.

⁶Mincho enkutuk ino kintadoiki atua eng'oki, nimijo ake te dukuya olkilikuai eji enkitadiaata ake duo, ainyoo peyie egoro Enkai te nkaraki oltoilo lino; neinyal esiaai oo nkaik inono?

⁷Amu teneponari enkidetidet, neaku irorei kumok lemeeta tipat: kake turia iyie Enkai?

⁸Tinidol to lkerenket lelo aisinak eitorogonyi neoruni esipata naishaakino te ng'olon, ming'asia ake teina bae; amu ore ilo kitok neing'orita likae kitok alang ninye, neetae ake sii kulikae ooilep te ninche.

⁹Kake ore te pooki, ore olaiguanani neisilig sii ninye inkurman naaturi.

¹⁰Ore ilo onyor iropiyiani nemeraposho aekata too ropiyiani; neijia sii etiu ilo onyor enkarsisisho e dupoto; ore sii ninye ena naa empesho.

¹¹Ore teneponari intokitin neponari sii lelo oonya ninche; naa kainyoo dupoto to lopeny aime pee edol ninche too nkonyek enyena?

¹²Kemelok injo o laisiaayiani, oi aa kiti entoki nanya aashu aa sapuk; kake ore enkuretisho e ilo karsis nemeisho eirura.

¹³Etii entaboi torrono natoduaa nanu tiabori enkolong; ore karsisisho nashum oltung'ani naa kewan ake eshumaki batisho.

¹⁴Neimin pooki to lbuket, nemeleku toki naisho inkera enyena.

¹⁵Ore anaa enatupukuo te nguset e ng'otonye neijia ake eitoki aiko elo, meishopo anaa apa pee elotu, nemeeta toki e siaai enye naya ninye anap too nkaik enyena.

¹⁶Ore sii ena naa entaboi torrono anaa apa pee elotu, neijia ake sii eikunari; neaku ainyoo dupoto nanoto ilo oekenyare osiwuo.

¹⁷Neton te nkishui enye pooki tiatua enaimin o sina sapuk, te nyamali sapuk o ltau, te muoyian o te nkiba.

¹⁸Airrasha ajo, aisidai neiririkino naa pee idaa niokisho ning'oru enchipai te eekenyata pooki naekenya oltung'ani tiabori enkolong te nena kuti olong'i enyena e nkishui enye naishoo Enkai ninye, amu ninye erubata enye.

¹⁹Ore pooki tung'ani oishoo Enkai imasaa o enkarsisisho o engolon, inchoo eshipakino ninche, neng'amaa erubata enye netum enchipai te siaai enye. Ore ena naa enkishooroto e Nkai.

²⁰Amu medamu oleng nena olong'i e nkishui enye amu eishoo Enkai ninye enchipai tiatua oltau lenye.