Read Maasai Bible – Biblia Sinyati Eng'eno nagut e Solomon 1 Bible Online

Eng'eno nagut e Solomon 1 - Maasai Bible – Biblia Sinyati bible

Eng'eno nagut e Solomon 1

¹Entonyor esipata, intae ilaitoriak le nkop. Entipik indamunot inyi enetii Olaitoriani te sipata, ning'oruru ninye te sipata.

²Ore lelo lemetem ninye naa ketum, naa keibalie ninye kewan te lelo ooisilig ninye.

³Ore indamunot nemesipa naa keor iltung'ana o Enkai naa tinikimoda naleng pee kitem ninye, neitukurru iyiook engolon enye.

⁴Mebik aikata eng'eno to ltung'ani olejisho aashu orrindik loo ng'ok.

⁵Ore pooki ng'ae sinyati netayiolo atapaasha iltung'ana aimonkok, nemetem indamunot oo monko, nemeshipakino inkiaasin e nkitorogonyare.

⁶Ore eng'eno nagut naa enkiyang'et nabor, kake mepalaki ninye oltung'ani omor Enkai amu keyiolo Enkai indamunot ang nening nena pooki nikijo.

⁷Ore anaa enaaiput enkiyang'et o Olaitoriani enkop pooki neibung pooki naati tenebo, keyiolo pooki rorei ojo iltung'ana.

⁸Meetae oltung'ani oiro ntokitin torrok oisudori, ore nabo olong netum enkitamioto.

⁹Ore nkiasin e lelo arruok naa keing'ori oleng, ore inkirorot enye neitabari enetii Olaitoriani naa ketum enkitamioto naishiaa nena kitarrurrot enye.

¹⁰Megirakino Enkai pooki hoo temata nabo, naa ore amu kening pooki toki, misudoriyie ninye ina king'unyung'uny ino.

¹¹Neaku tayiolo pee milo ake igira aing'unyung'uny - meeta tipat, nimijing inchankarri torrok. Ore nena nijo too nkisudorot naa keeta inaaitayu naa ore imonko neinyal oltau lino.

¹²Mimpiru keeya ino openy too nkiasin inono torrok.

¹³Eitu apa eitobiru Enkai keeya naa ore pee eye intokitin naata enkishui nemeitiship ninye.

¹⁴Eitobirua pooki toki pee ebik eishu, ore pooki toki naitobirua nelulung'a naa sidai. Metii esayiet ninye. Meitore keeya ena kop,

¹⁵nemeye esipata aikata.

¹⁶Eyakita ate lelo arruok keeya too ntokitin naas o naajo. Eibung'are ninche keeya, naa ina naishiaa te ninche.