Read Maasai Bible – Biblia Sinyati Eng'eno nagut e Solomon 2 Bible Online

Eng'eno nagut e Solomon 2 - Maasai Bible – Biblia Sinyati bible

Eng'eno nagut e Solomon 2

¹Kepong'ori ilarruok tenejo maate, “Aidorrop enkishui ang nebore osina, naa tenebau enkiting'oto enye nemeeta eneisikakini.

²Etoiwuoki iyiook to lng'ur, naa teneiting enkishui ang, nikitiu anaa ileitu aikata eini aaitasim Ore enkiyang'ata ang netiu anaa empuruo, ore eng'eno ang netiu anaa enkima nainuaaki too ltauja lang.

³Ore pee eye ina kima, netiu iseseni lang anaa inkuruon, ore iltauja lang nepuaya anaa enkiyang'et.

⁴Ore te nkiti rishata, nerikinisho nena apa nikitaasa, nerikinisho sii inkarn ang.”

⁵Ore erishata ang tena kop netiu anaa oloip olusoo. Meilanyayu enkolong e keeya ang, keibala nemeetae oltung'ani ooilany.

⁶Ejo ilarruok, “Wootu matishipata to o ntokitin sidain, nikisikarra anaa apa kira kutiti.

⁷Ematook inaishi naagol enkinyiang'a nikielare isonkoyoni naaisul. Maitaiki ate intapuka te nkata naitapuku ilkeek.

⁸Ore eton eitu etoyu intapuka, maitayu aapika too lukuny ang.

⁹Maibung'ata pooki aaisikarra, maitoduaai ilmonek le sikar ang, amu ina apa eitaikiaki iyiook te nkishui ang.

¹⁰“Emaitorogonya lelo aisinak supati, mikiduaaya sii ninche inkolia o ltung'ana moruak.

¹¹Engolon ang ninye esipata ang, meeta olaisinani dupoto e hoo nyoo!

¹²Ore lelo supati naa enyamali te iyiook, neaku maing'oru enikinko pee kiar. Kemitiki iyiook kias inikiyieu, neisikong iyiook tinikigil inkitanapat e Musa, neudoo iyiook tinikigilunore enkitoria.

¹³Kejo ninye keyiolo Enkai neipot ate aajo inkera o Laitoriani.

¹⁴Mikigirakino iltung'ana laaijo lelo,

¹⁵tinikidol ninye too nkonyek naa enyamali te iyiook, amu ketoni ninche te olkuaak opaashari te kulikai tung'ana, nepaashari inkoitoi enyena.

¹⁶Kejo ninche kaarruok inkoitoi ang oleng, naa keishiaa nepaashi nena nikias iyiook. Neitokoos ninye inchere keeta Enkai aa papa lenye, neiruk ninche ajo supati ake oo eye eshipa.

¹⁷Ematodol tenaa kesipa nena naatejo, naa aikidol aajo kainyoo naasa te nkiting'oto e nkishui enye.

¹⁸Tenaa kesipa ore lelo supati naa inkera e Nkai, naa kesaru Enkai too lmang'ati lenyena.

¹⁹Neaku ematetem ninche nikisilisil, pee kidol emborron enye, matetem eng'iriata enye.

²⁰Matudung'oki ninye keeya e sulare, amu ore anaa enajo, keng'or Enkai ninye.”

²¹Nena nkibirribirrat oo larruok, amu ore eitamodoo nena torrok enye,

²²nemeyiolo nena nkitobirat e Nkai naaisudoro, neitu aikata eyiolou olerrinyore le nkishui nabor naa sinyati.

²³Ore apa pee eitobiru iyiook Enkai neitu apa epik enkishui keeya, eitobirua apa iyiook pee kitiu anaa ninye,

²⁴kake ore te nkaraki olom lo loirirua nejing'u keeya enkop, naa ore lelo lo loirirua naa ninche ooye.