Read Maasai Bible – Biblia Sinyati Eng'eno nagut e Solomon 9 Bible Online

Eng'eno nagut e Solomon 9 - Maasai Bible – Biblia Sinyati bible

Eng'eno nagut e Solomon 9

¹“Naai o loo kakuyiaa, Enkai o lng'ur, ore to rorei lino nintobirua pooki toki,

²ore te ng'eno ino nintobirua oltung'ni pee eaku olaing'urani le pooki nintobirua,

³nintore enkop te sinyatisho o esipata, ninguanisho te sipata o nkanyit sapuk.

⁴Nchooki eng'eno natii oloriko lino le nkitoo nimikinturraa nanu tiatua isinkan linono.

⁵Kara nanu orrindik anaa enatiu yieyio lai, kashal nanu naa dorrop enkishui ai naara kiti eyiolounoto oo mbaa e nkiguana o nkitanapat.

⁶Ore hoo duoo naa bayaroti oltung'ani nabaa, ore meeta eng'eno naing'uaa enitii iyie naa pesho.

⁷Kitegelua iyie nanu mataa olaiguanani o larishani loo nkera inono.

⁸Kitegelua iyie nanu matesheta enkaji e Nkai to oldoinyo lino sinyati o olperer te nkanasa ino nintaa ang, nenyaanyukie ilo ng'obor sinyati lintobirua aiteru mooitie.

⁹Ketii eng'eno tenebo iyie neyiolo inkiasin inono, ketii apa pee intobir enkop, keyiolo inikintiship iyie neyiolo nena naasipa anaa enatiu inkitanapat inono.

¹⁰Irriu naa ninye te shumata ino sinyati eing'uaa olorika lino le nkitoo pee easisho tenebo nanu nayiolou inena nikintiship iyie.

¹¹Keyiolo pooki toki naa kautaa ninye aitobiraki too nkiasin aainei, naarrip te ngolon enye.

¹²Natumoki aiguana iltung'ana linono aitobiraki naanyorrikini olorika le papa lai, ore inkiasin aainei nenyorrikini aajo aisidan.

¹³“Aing'ae naidim atayiolo eyeunoto e Nkai?

¹⁴Ore eng'eno e tung'ani nemeeta tipat ore eyiolounoto ang neitapong'oo

¹⁵amu ore iseseni lang ooye near iltauja lang, ore osesen oitobiruaki te nterit naitanaur elukunya nemeng'or.

¹⁶Ekitem aajo matayiolo nena naatii enkop, ore nena naatii inkaik ang naa too mpeshon nikiyiolo, kaing'ae naa nayiolo nena naatii keper?

¹⁷Meeatae aikata olotayiolo eyeuna ino, aashu ake tininchoo eng'eno nintadoiki enkiyang'et ino sinyati.

¹⁸Ore teina oitoi netipikaki inkoitoi oo ltung'ana aaiobiraki te nkop, neiteng'eni iltung'ana nena naaitiship iyie, neitajeu eng'eno.”