Read Maasai Bible – Biblia Sinyati Sirak 1 Bible Online

Sirak 1 - Maasai Bible – Biblia Sinyati bible

Sirak 1

¹ENAITURUK Ore embuku e Ng'eno nagut e Yoshua enkerai e Sirak naji sii EKLESIASTIKO neigeroki te nkutuk oo Lbrania oltung'ani oji Yoshua neji sii Yesu neitokini aaibelekeny te nkutuk oo Lyunani ole nkakuyiaa lenye. Keeta ena buku inkapa oo lbrania nenyok sii aibalie oleng enkirukoto oo Lyahudi neitodolu ajo eishoo Enkai eng'eno nagut nasipa iltung'ana lenyena. Iorot oo Matuan • Indung'eta e rashe kumok 1.1 — 42.25 • Engolon e Nkai 43.1 — 50.29 • Irorei le nkiting'oto 51.1-30 Enkisisa e ng'eno nagut Ore eng'eno nagut pooki naa Olaitoriani eing'uaa, nebik ina ng'eno o ninye intarasi.

²Aing'ae oidim aikena ilkitong'at le nchan aashu osinyai le naiposha? Aing'ae oidim aikena inkolong'i oo ntarasi?

³Kebaa elakuani o loing'ang'e? Kebaa elalai e nkop? Kebaa enguton e naiposha? Kebaa esidano e ng'eno nagut? Aing'ae naidim anoto ewalata e kuna kikilikuanat?

⁴Eitayioki apa eng'eno nagut eitu eitobiruni aitoki, netobikoyie oshi ake ening'unoto.

⁶Aing'ae aikata eitoduaaki eneing'uaa eng'eno nagut? Aing'ae nayiolo inkidimat enyena?

⁸Eetae Obo laa ninye ake oata eng'eno nagut neishiaa neurei oleng netonita to lorika lenye le nkitoo.

⁹Olaitoriani openy oitayio eng'eno nagut, etoduaa ninye neshilaa dupoto enye, nepik pooki toki naitobirua ina ng'eno nagut.

¹⁰Ketii eng'eno nagut pooki toki naishu anaa enaitayio Enkai, neisho pooki tung'ani onyor ninye.

¹¹Ore euriata o Laitoriani neyau enkitoo o eng'ida, nitum enchipai o eng'ida sapuk.

¹²Ore euriata o Laitoriani neyau eng'ida o ltau nikincho enchipai o enkishon naado.

¹³Ore ilo oisiaai Olaitoriani te uriata naa kedupoyu te siadi, ore enkolong naye naa kemayiani.

¹⁴Ore eurita o Laitoriani naa ninye enkiterunoto e ng'eno nagut, keishori eng'eno nagut lelo ooisiligayu eton etii inkoishuaa oo noo ng'otonye.

¹⁵Etii apake tenebo iyiook te musano oleng naa ore iishoritin naapuonu naa keisilig ninye.

¹⁶Ore euriata o Laitoriani naa enkiputakinoto e ng'eno nagut, keitaraposh ninye iyiook too nkishoorot enyena,

¹⁷neiput inkang'itie ang o lkompen lang too nena pooki naayieu iltauja lang.

¹⁸Ore euriata o Laitoriani naa olmarisian le ng'eno nagut, neyau eseriani o biyotisho o sesen.

¹⁹Etoduaa Olaitoriani ninye netem, neshaiki enkop te ng'eno o eyiolounoto anaa enchan oo mbaa neilepunye enkitoo e lelo ooibung'a ninye.

²⁰Ore euriata o Laitoriani naa enkiterunoto e ng'eno nagut, ore ilng'osil lenyena naa enkishui naado. Enkibooroto e kewan

²²Meetae engoro e nkarruoisho naata esipata, ekindim ayaki enyamali sapuk nikibatat.

²³Intirring'ayu ning'iri naa ore te siadi, nitum enchipai sapuk oleng.

²⁴Tigirayu ometabau enkata niro naa aikiyiolouni aajo ira oltung'ani ng'en.

²⁵Keeta eng'eno nagut ndung'eta e rashe kumok kake olmena sapuk ake eeta ilarruok te nyorrata e Nkai.

²⁶Tiniyieu nitum eng'eno nagut, mbung'a inkitanapat o Laitoriani naa aikincho eng'eno te nkiputakinoto.

²⁷Ore euriata o Laitoriani naa eng'eno naa enkisuma sii, kenyor Enkai emborron o ltung'ani asipani te ninye.

²⁸Migolong'aki ake euriata o Laitoriani, naa tiniserem ninye, taasa neijia to ltau lino pooki.

²⁹Miaku ake osunkuroi too ltung'ana, irrita oleng olng'ejep lino.

³⁰Mitum ake olwuasa, indim atabatatayu nitum enkurruna sapuk. Kebolu Enkai inkurrat inono nikibatat te dukuya eumata amu eitu ilotuki Olaitoriani te ng'eno enye, nebore oltau lino esunkuroisho.