Read Maasai Bible – Biblia Sinyati Sirak 13 Bible Online

Sirak 13 - Maasai Bible – Biblia Sinyati bible

Sirak 13

¹Ore pooki ng'ae ooibung enkorongo naa kejing oloirerio naa ore oloboitare oltung'ani ong'ida naa ketiu anaa ninye.

²Mitem ake ajo adumu olola oiroishi oleng te yie, nimiboitare ake iltung'ana karsisi naa kituaak pee kilang. Meeta eninko pee intinyikaki embirika e nterit ene sekenkei, kebela ene nterit teneosh ene sekenkei.

³Keinyal olkarsis oltung'ani naa keitoki aisikong ninye, keinyali oltung'ani omena naa ninye oirridu teina torroni nataasa.

⁴Ekiaasishore olkarsis pooki kata nayiolo ajo ketum dupoto te yie kake ore iyieu iyie ninye niking'uaa inyamal.

⁵Ore pee iata toki, nikiboitare nemut imasaa inono aishu.

⁶Ore tinikiyieu, nikishipakino nikirorie too rorei oobor nikijoki, “Kainyoo iyieu?”

⁷Nikintoti ometaba anaa nikurru te nkitoomono nikincho, ore ake pee kindip ataasishore kat are aashu uni nikikueniyie, ore pee intokiki aaduaa neitaakuno mikiyiolo nikigiroo.

⁸Ng'ura kewan oleng pee mikileji ake nikintukurruni te ndaa e nkolong nabo.

⁹Ore pee kintoomon oltung'ani oata enkitoo sapuk, toborro naa ekintoki aitoomon nkatitin kumok.

¹⁰Mirrumokino ninye te ngolon sapuk pee mikiaraa, kake mintalamaa sii kewan oleng pee mikirikino.

¹¹Mintaakuno ajo arisiore ninye aashu iiruk pooki toki nikijoki, amu ekitem ninye too rorei kumok naa ore ekweni ekigira atem.

¹²Ore oltung'ani lemeisudoo enajokini nemeureyu kiar apik olbae aashu kipik jila.

¹³Tushumaki kewan mbaa inono oo nkurrat niaku abarani oleng amu itii ake bata pooki kata.

¹⁵Meeta eng'ues nemenyor enkae e mpukunoto enye, neijia etiu oltung'ani, kenyorr likae laaijo ninye.

¹⁶Ore ng'uesi pooki naa keshilaro anaa mpukunot enye, naa keiriamariyie oltung'ani olaaijo ninye.

¹⁷Kaji eiko osuyiani pee eirimari o lkuoo le ker, neijia etiu olaing'okoni o lairukoni.

¹⁸Kaa seriani eeta oldia to lng'ojine? Mme neijia etiu olkarsis o laisinani?

¹⁹Ore isirkon le ntim naa endaa o lng'atuny, ore sii ninche ilaisinak naa endaa oo lkarsisi.

²⁰Ore emborron naa olminong to ltung'ani owuasa, neijia etiu olaisinani to lkarsis.

²¹Ore pee eideketari olkarsis neretu ilchoreta lenyena kake ore pee ebatata oltung'ani aisinanai neitokini aaibooki enkop tukul.

²²Tenepong'ori olkarsis too nkirorot naa aikumok ilooretu, tenejo inemeishiaa neji aisidan, kake tenepong'ori olaisinani nebuaakini naa teneiro te ng'eno nemeshilari.

²³Teneiro olkarsis negira pooki ng'ae neisisi enajo metoning'i too nkatampo. Teneiro olaisinani neji “Kainyoo ena tung'ani?” Naa oi ade ebatata, neibookini enkop.

²⁴Mme torrono karsisisho teneitu ias eng'oki pee itum, nemetorrono sii ninye aisinanisho, ilemeiruk Enkai ake ooata nena damunot.

²⁵Entoki nikitii oltau naitaa oltung'ani metaa keshipa aashu mmeshipa.

²⁶Ore ilbulabul lo ltau oshipa naa enkomom nashipa kake ore pee iindim aitayu indung'eta e rashe naa keyieu enkibirribirrata nagut.