Read Maasai Bible – Biblia Sinyati Sirak 17 Bible Online

Sirak 17 - Maasai Bible – Biblia Sinyati bible

Sirak 17

¹Eitobirua Enkai iltung'ana te nterit naa ine ake eshukokino oltung'ani.

²Eishoo iltung'ana nkuti olong'i e nkishui neisho engolon naitoreyie pooki toki natii enkop.

³Eitobirua ninche anaa kewan neisho ninche engolon enye.

⁴Eishoo meturia kulie ng'uesi pooki, neisho ninche engolon naitoreyie kulie ng'uesi pooki o motonyi.

⁶Eishoo ninche ilng'ejepa, inkonyek, inkiyiaa, ilukuny o ndamunot enye.

⁷Eishoo ninche eng'eno o eyiolounoto neitodol ninche isidan o ntorrok.

⁸Eishoo ninche eng'eno nayiolounye esidano e nkitobirunoto enye.

¹⁰Keisis ninche enkarna enye sinyati neitadedeyie enkitoo o siaaitin enyena.

¹¹Eishoo ninche enkidimata natumie eng'eno neisho sii inkitanapat e nkishui.

¹²Eitayio ninye olning'o o ninche neitodol ninche inkitanapat enyena.

¹³Etoduaa nkonyek enye engolon enye kitok nening inkiyiaa enye enkitoo o ltoilo lenye.

¹⁴Nejoki ninye ninche “Entang'enuoto pee miasiasa ake intorrok.” Neisho sii pooki lenye inkitanapat naipirta ole latia enye. Olarishani Enkai

¹⁵Kedol Enkai inkoitoi enye nemeisudorieki too nkonyek enyena.

¹⁷Etegelaka pooki osho olarikoni lenye kake ore Israel naa ninye openy olarikoni.

¹⁹Keing'orita Olaitoriani pooki naasita iltung'ana, ore pooki naas naa kewang anaa endama te ninye.

²⁰Ore intorrok oo ltung'ana nemeisudori te ninye, keyiolo pooki.

²²Ore nkishoorot nincho ilaisinak netiu anaa olmishire te Nkai, keikenaa ninye eleng'on oo ltung'ani anaa enerok e nkong'u enye.

²³Ore te siadi naa kelotu aitalaku lelo arruok, netum pooki ng'ae ina naishiaa.

²⁴Kake ore lelo ooirridu neisho metorrinyokinoto ninye, neitukuj ilelo kiti osiligi. Enkirridunoto

²⁵Mbelekenyakinoyu Olaitoriani nipal easata oo ng'ok, toomono ninye pee kiretu tung'uai enkishon torrono.

²⁶Torrinyokinoyu Olaitoriani otii shumata ning'uaa ing'ok, temena oleng to ltau lino easata oo ntorrok.

²⁷Aing'ae naranyaki Enkai isinkolioitin to olbalbal le nkima? Ilelo ake ooishu ooidim aishoo Enkai enkisisa.

²⁸Meidim ilootuata o lelo lemeekure eetae aaisisa Olaitoriani, ilelo ake ooishu ooidim aaisisa Olaitoriani.

²⁹Kebaa olng'ur lo Laitoriani o empalakino enye te lelo ooibelekenyakino ninye.

³⁰Meeidim oltung'ani ataa keeta pooki toki amu ekira pooki intokitin naaye.

³¹Kainyoo nawang alang enkolong? Kake kelo sii ninye nemeata ewang'an, kebaa elelek te ndamunoto o ltung'ani pee eas enkarruoisho.

³²Keshil Enkai ina pikas pooki e keper kake ore oltung'ani naa enterit ake o nkuruon.