Read Maasai Bible – Biblia Sinyati Sirak 18 Bible Online

Sirak 18 - Maasai Bible – Biblia Sinyati bible

Sirak 18

¹Enkitoo e Nkai Ore ilo obikoo intarasi neitobirua enkop pooki,

²naa ninye openy ora asipani.

⁴Eitu eisho hoo likae obo engolon nalimunye iasat enyena, naa aing'ae naidim aing'oru nena kiasin enyena kituaak.

⁵Aing'ae naidim atetema engolon enye kitok? Naa aing'ae naidim aikena olng'ur lenye?

⁶Meidimayu pee intaa kuti aashu intaa kumok, nemeidimayu sii pee ijo ayiolou enking'asia o Laitoriani.

⁷Ore ebaiki oltung'ani enkiting'oto naa ina kata egira aiteru, naa ore pee eitashe neiturraa inkumok. Mme toki tung'ani

⁸Kainyoo tung'ani naa kaa dupoto eeta? Kainyoo esidano enye naa kanyoo entorroni enye?

⁹Aikumok ilarin lo ltung'ani tenebaya iip nabo.

¹⁰Ore anaa enatiu olkitong'ati le nkare te naiposha aashu osinyai le nkop natoyio, neijia etiu ilkuti arin teina olong oo ntarasi.

¹¹Keeta Olaitoriani eng'iriata too ltung'ana oong'uar olng'ur lenye.

¹²Keing'or ninye nedol ajo ore enkiting'oto enye naa entorroni, neaku keisho ninye ninche empalakino te sapuko.

¹³Keing'urrie oltung'ani ole latia enye kake keing'urrie Enkai pooki toki naishu. Keikok ninye neutaa iltung'ana, neshuku ninche anaa enashuku olchekut eluaata enye.

¹⁴Keeta ninye olng'ur te lelo oonyorraa enkitamioto enye neng'uar iutarot enyena. Emborron o eleng'on

¹⁵Enkerai ai, mintushul ake inkiasin inono sidain o entorroni, ore tenelo niret olaisinani misinanie too lomon linono.

¹⁶Amaa, emeitishipisho enkoileelio te nkata o ladalu? Neaku keikash ororei obo alang enkishooroto.

¹⁷Kesipa keikash irorei oobor alang inkishoorot sidain, ketumi pooki to ltung'ani supat.

¹⁸Kegolong'u olmodai nemorisho, meshipakino nkonyek o ltung'ani enkishooroto nemeyieu neishooyo. Enjurroto e makewan

¹⁹Tayiolo iniyieu niro eton eitu ijo naa ng'ura oleng biyotisho ino eton eitu imuoyu.

²⁰Tujurro kewan eton eitu kidung'oki Enkai enkiguana naa ore pee ebau ina kata nikipaliki.

²¹Toborro eton eitu imuoyu, ore pee ias eng'oki, irridu.

²²Ore pee inya olmumai te Nkai, ntabai tasioki oleng, mianyu ake ometaa ijo aye pee intabaya.

²³Ore eton eitu inya ilmuma, terretenayu pee miaku ake olotem Enkai.

²⁴Tadamu engoro enye te nkolong e keeya o ina kata eitalaku neibelekeny enkomom enye te yie.

²⁵Ore iata pooki toki niyieu, tadamu sii yie eneikununo tiniata esumash aashu tinira aisinani.

²⁶Keidim mbaa aaibelekenyata te nkolong nabo, keisosionie Enkai intokitin asioki oleng.

²⁷Keas oltung'ani ng'en imbaa enyena te ng'eno naa ore etaana eng'oki nenyok apaash pee mejing ake ina torroni.

²⁸Ore oltung'ani pooki ng'en naa kedol enetii eng'eno neisis oltung'ani otum ninye.

²⁹Ore ilelo ooning'u indung'eta e rashe naa keng'enu naa keaku irorei linono eng'eno te kulikae. Enkibooroto e kewan

³⁰Mincho kintore ing'uarrat inono o sesen kake mbooi kewan oleng.

³¹Tinincho kewan metaa intabaya pooki yieunoto o sesen nikimenu ilmang'ati linono.

³²Ming'uar ake enkishon e shumata, ekimut katukul tinimibaiki.

³³Mintaa kewan olaisinani aomonu impisai kumok e sikar nimiata iyie makewan impisai e toki.