Read Maasai Bible – Biblia Sinyati Sirak 19 Bible Online

Sirak 19 - Maasai Bible – Biblia Sinyati bible

Sirak 19

¹Ore olaisiaayiani amerani nemiaku karsis, ore olomenaa inkutiti na kebatata makutiti.

²Ore enaisho o nkituaak neitapong'oo ilewa oodupa naa ore olee olo enetii imulayoni neimin katukul,

³ore ina modai enye neiturarie enkishui enye, kenya ilkuru osesen lenye otong'ua.

⁴Kemoda oltung'ani oisilig ilkulikae asioki naa ore ilo oas eng'oki naa kewan eeinyal.

⁵Ore paa entorroni nikintiship naa imuta. Inkirorot nemeeta tipat

⁶Tapaasha nkirorot nemeeta tipat pee ipaash inyamalaritin kumok.

⁷Mingil ake aliki likae tung'ani ina nitoning'o nimikitum sii iyie ae nyamali.

⁸Miliki ake likae tung'ani aa olchore aashu olmang'atinta aashu naa ake tenaa ke ng'oki te yie tinigira.

⁹Ore oltung'ani likining naa aikiyiolou nimaniki kimbayu.

¹⁰Nchoo pee ining olmarenke, nchoo etiu anaa eitu ining. Tipija amu mikinko tadanyayu.

¹¹Ore oltung'ani omoda ojo aisudoo inkurrat nenyamalu anaa enkitok nasaisai.

¹²Ore ororei pooki oning netiu anaa embae natang'oro enkeju.

¹³Tinining ajo etaasa olchore lino entoki torrono, nkilikuana, ebaiki nesipa naa tenesipa meigil aikata aas.

¹⁴Tinining etaasa ole latia aitoki nemeishiaa nkilikuana, ebaiki neitu ejo, naa tenejo nemeigil.

¹⁵Nkilikuanishore olchore lino amu ore inaaji nemesipa, minyorraa ake pooki toki nining.

¹⁶Ebaiki nejo oltung'ani entoki te nkalano nemeyieu duoo nejo. Etaasa iltung'ana ing'ok tena oitoi nkatitin kumok.

¹⁷Tinining entoki nairriki intae o le latia ino, nkilikuana eton eitu intayu olarrabal, tung'ueiki ina bae inkitanapat Enkai natii shumata aisul. Eyiolounoto e ng'eno nagut nasipa

²⁰Turia Enkai nimbung inkitanapat enyena, ena enkipirta e ng'eno.

²²Indim atayiolo pooki toki naipirta enkarruoisho kake mikintaa ina ng'en, meeta tipat pee isuj enkikoo oo lmoda.

²³Keidimayu pee iasishore eng'eno to mbaa e nkarruoisho kake keetae ilmoda laa eng'eno nagut ake etala.

²⁴Enaikash Oltung'ani oure Enkai nemeeta eng'eno alang ilo ng'en lemeshilaa inkitanapat.

²⁵Keidimayu pee ira ng'en oleng kake nironyisho, aashu intusupatuo pee itum ina niyieu.

²⁶Keetae iltung'ana alejak ooitaakuno keishirita kake ore tiatua naa ilalejak ootuata,

²⁷keisudoo inkomomi neitaakuno mening'isho kake ore tenemedolitai nikimut.

²⁸Tenemeeta engolon naasie ing'ok, tenetum erishata naa keas ake.

²⁹Keyiolouni oltung'ani teneyia, naa iyiolou olng'en tinitumomo.

³⁰Ore enkishopo o ltung'ani o enkwenia o naikunari tenelo naa keitodolu pooki olkuaak leilo tung'ani.