Read Maasai Bible – Biblia Sinyati Sirak 20 Bible Online

Sirak 20 - Maasai Bible – Biblia Sinyati bible

Sirak 20

¹Erishata naishiaa pee iro Keidimi aaisikong'a oltung'ani te nkoitoi nemeishiaa, enaikash tinigira alang tiniro.

²Enaikash sii tenisikong alang tinishum engorro!

⁴Tiniasishore engolon pee iimie ina niyieu, nitiu anaa osunash ojo aikony entito.

⁵Keji aing'eni kulikae tung'ana amu meiro oleng, neibai ilkulikai amu meiro oleng.

⁶Etii likae ogira amu meeta ewalata, negira likae amu keyiolo enkata nairo.

⁷Meiro oltung'ani ng'en ometabau enkata naishiaa kake ore olmodai nemeeta enkata.

⁸Meetae oltung'ani onyor oltung'ani oiro te nkata naado nemeisho ilkulikai meiroro. Keidim omom aibelekenyayu

⁹Keidim oltung'ani anoto omom te nkata e nyamali neidim sii omom aiturrarrie oltung'ani inkumok.

¹⁰Meeta eleng'on dupoto te nkaekata, kake ore tiaekata naa ekiyaki dupoto kat are.

¹¹Kelo neitala enkitoo oltung'ani dupoto, kake ketii kulikae ootopuaa eeta enyamali sapuk.

¹²Keinyang'u oltung'ani intokiting kumok too mpisai kuti kake nelak katitin naapishana aitulus.

¹³Keishoru oltung'ani ng'en metonyorri too nkirorot enyena kake ore emborron oo lmoda nemeeta tipat.

¹⁴Meeta enkishooroto o lmodai dupoto e hoo nyoo, amu eking'orunye ninye inkumok aitoki.

¹⁵Keitayu ninye inkuti neinosaa oleng, nebol enkutuk aliki pooki ng'ae, ekisilenoki taata ore taaisere neyieu, ore oltung'ani laaijo ilo naa pesho.

¹⁶Kejo olmodai, “Maata ilchoreta, nemeeta oltung'ani laaisho enashe to lng'ur lai, kenya ninche endaa ai naapuo aaimaki.”

¹⁷Kaja ooyiataa ninye! Inkirorot nemeishiaa

¹⁸Enaikash tinisirkinyari te nkop alang tinidiak to lng'ejep, kesieku emutata oo larruok.

¹⁹Etiu oltung'ani lemeeta enchunet anaa inoshi atinin nemeeta enkanyit naainosu ilmoda.

²⁰Meshilari endung'et e rashe nalimu olmodai te nkata nemeishiaa.

²¹Keidim emenai o ltung'ani atomitiki eas eng'oki neaku neyeng'iyeng'a meeta enainosu.

²²Keidim oltung'ani aiturrai enkishui enye te nkaraki enkurruna aashu te nkaraki neure iltung'ana.

²³Keidim oltung'ani aisiligie olikae toki te nkaraki enkurruna neitaa olmang'atinta pesho ake.

²⁴Keinyal imonko enkarna o ltung'ani kake keas ake ilmoda hoo eyia neijia.

²⁵Keikash olapurroni to ltung'ani onyor imonko kake emutata ake epuo pooki.

²⁶Meeta olaimonkoni enkurruna naa kebik eyia neijia. Inaayau eng'eno

²⁷Iroro te ng'eno naa ilo dukuya te nkop, ore oltung'ani ng'en naa keitiship ilewa le nkitoo.

²⁸Ore ilo ooirem enkulupuoni naa keikesisho, ore ilo oitiship ilkituaak naa ketum esipata.

²⁹Ore inkishoorot o masaa e ropare naa keitamodok oltung'ani ng'en neisho metaa meiro esipata te nkata naishiaa.

³⁰Ore eng'eno naisudoro netiu anaa karsisisho nemelioo, meeta pooki dupoto.

³¹Enaikash oltung'ani oisudoo emodai enye alang ilo oisudoo eng'eno enye.