Read Maasai Bible – Biblia Sinyati Sirak 28 Bible Online

Sirak 28 - Maasai Bible – Biblia Sinyati bible

Sirak 28

¹Ore ilo oitalaku elap neitalak Olaitoriani ninye, neitadedeyie Enkai nchere keeta ilo tung'ani ing'ok.

²Tapalaki ole latia ino nena torrok nikintaasa pee kipalakini sii iyie ing'ok inono tiniomon.

³Meeta eneiko Olaitoriani tenikipalaki teneitu sii iyie ipalaki ole latia ino.

⁴Ore iyie tenimipalaki likae tung'ani, miata eninko pee iomon Olaitoriani mikitapalaki ing'ok inono.

⁵Tenimiata eninko pee imbooyo engoro ino, miata naa osiligi le mpalakino.

⁶Tadamu nchere ore te nkiting'oto naa iye, neng'uoyu osesen lino neaku tung'uai enkiba tusuja inkitanapat e Nkai

⁷tadamu nena kitanapat nimintagor ole latia ino, temenai intorrok o le latia ino tapala engoro. Enchankar

⁸Tung'uai inchankarri pee mias ing'ok, amu engoro nikinteraki ing'ok.

⁹Eng'oki tenirriki ilchoreta metaarata nening'o oshi oleng.

¹⁰Ore aa kumok ilkeek naa sapuk sii ninye enkima, ore tenaa sapuk oloilepilepi naa sapuk sii ninye enchankar naa ore tenaa karsis oltung'ani nesapuku sii engoro enye.

¹¹Ore enchankar napulusunye naa keyau olarrabal

¹²Indim atukuta enkima pee epok aashu inotaki pee iar, ore te pokira te nkutuk itaasa. Inkirorot torrok

¹³Kediaa oltung'ani airrikinoni nelejisho amu etumuta ilkumok ootoni te seriani.

¹⁴Etigila enkirrikino eseriani oo ltung'ana kumok, neor iloshon, etigila enkirrikino inkanas naagol neuroo inkang'itie oo loogol.

¹⁵Etimirayie enkirrikino intomonok too nkang'itie enye neoru ilng'anayio le nkinyinyiret enye.

¹⁶Ore pooki ng'ae oinining olairrikinoni nemeitirring'a to ltau nemeton te seriani.

¹⁷Ore eoshoto e nchipishipi nemut inkiri kake ore eoshoto o lng'ejep negil iloik.

¹⁸Etuata iltung'ana kumok te oshoto o lalem kake etuata ilkumok oleng te nkaraki naajo olng'ejep.

¹⁹Enaikash oltung'ani oisudoo naajo olng'ejep ilo leitu ening inaajo ilo ng'ejep, neitu enap esinkaisho eilo ng'ejep neitu eeni too lpisia lenyena.

²⁰Ore enchata e sinkaisho enye naa eno sekenkei, ore ilpisia lenyena naa ilo suyai.

²¹Ore keeya nayau enchankar naa aitorrono, enaikash olbalbal le nkima alang enchankar.

²²Meitore enchankar lelo ooisiaai Olaitoriani, mepej lelo ina kima enye.

²³Kebatatakino lelo oisotok lenyena, lelo ooing'uaa Olaitoriani keaku abori e nkitoria enye etii.

²⁴Toduaa nchere inkarrayie maasa inono too lkiku, inkenoi enkosholai o saabu ino.

²⁵Ng'ura oleng inena nijo, irrita oleng irorei linono nipik enkutuk ino enkikenet.

²⁶Ng'ura ake kewan oleng pee melo ake nipaashari to lng'ejep aashu ibatatakino ilo laa iyie erreshito.