Read Maasai Bible – Biblia Sinyati Sirak 31 Bible Online

Sirak 31 - Maasai Bible – Biblia Sinyati bible

Sirak 31

¹Enyamali nayau mpisai Ore olng'ash loo mpisai naa aikintasas nikintala injo.

²Ore olng'ash le nkinyang'a o mirare naa aikintala injo netiu anaa emuoiyian torrono.

³Kenyok olkarsis te siaai enye pee etum impisai kumok neton ayeng'iyeng'a tiatua karsisisho.

⁴Kenyok olaisinani aasisho meeta ai toki naitoki aitoduaaya, naa ore pee eyeng'iyeng'a neyeng'iyeng'a aa aisinani.

⁵Meishori esipita olonyor impisai; ore ilo oing'oru eropia naa keiminie.

⁶Eidaaitie ilkumok te nkaraki impisai, amu eyautua impisai enkidaata.

⁷Ore masaa naa orreshet te lelo oonyor, ore pooki omoda naa kejing sinkaisho oo mpisai.

⁸Kemayiana olkarsis lemeeta eleyiata, ilo lemeing'oru saabu.

⁹Kaing'ae ilo maisisa? Amu etaasa ine nking'asia too ltung'ana.

¹⁰Aing'ae ilo otetemaki nemeeta eleyiata? Inchoo naa eng'ida newuasa

¹¹ore oltung'ani otiu neijia naa kebik karsisisho enye, neyiolou enkop pooki eleng'on enye. Olkuaak too siruai le ndaa

¹²Ore te nikintoomoni to sirua sapuk, nimintoduaya enkului, nimijo ake, “Ketii endaa sapuk!”

¹³Tadamu ajo ore enkului e nkong'u naa aitorrono. Keetae entoki naata enkului nalang enkongu? Ina pee eitayu enkong'u ilkiyio anaake.

¹⁴Mintorioo ake enkaina ino aya pooki toki niyieu, nimilo aikonyaa endaa ole latia ino.

¹⁵Tayiolo enatiu ilo liboitare o enidamu makewan, nishilaa ilkulikae too nkoitoi pooki.

¹⁶Inosa ina nikinchooki anaa oltung'ani oata enkanyit, niminya aisarsarie pee mikimenuni.

¹⁷Olkuaak sidai te niaku ole dukuya apal ainosa endaa, miaku oloisepe pee mintagor iltung'ana.

¹⁸Tenaa itotona o ltung'ana kumok, miaku ole dukuya aya endaa.

¹⁹Ore endaa kiti naa aisapuk te ilo oata enkanyit, nemeitanyamaluo tenelo enkaji enye.

²⁰Ore oltung'ani onya endaa nairirikino naa ketum injo sidain, keinyototo tadekenya nening ajo keshipa kake ore ilo oisepe na kelau injo, nemonir enkoshoke neshal to sesen.

²¹Tininosa endaa sapuk oleng mpang'a turrugumayu naa ilo aning esidai.

²²Toning'oki enkerai ai, mikimenaa naa ore te siadi nilo ajurru nena naatiaka. Taa oloisosion too siaaitin inono pooki, pee mikimbung emuoiyian.

²³Keisis iltung'ana oltung'ani aminin[1] te ndaa, naa keibala shakenisho e leng'on enye.

²⁴Ore ilo opiak te ndaa naa keinosari te nkanasa pooki, naa ore imbaa pooki naaji tialo ninye naa kesipa.

²⁵Mintodolu ajo aira magilani te okoto e naisho, amu eidaikie enaisho ilkumok.

²⁶Keibalunye enkima engolon e sekenkei, ore enaisho neineneng iltauja le lelo oowuasa.

²⁷Etiu enaisho anaa enkishui too ltung'ana, tiniok anaa enairirikino. Kainyoo tipat enkishui meeti enaisho? Eitobiruaki enaisho pee eitiship iltung'ana.

²⁸Tooko enaisho te rishata enye naa tooko enairirikino, nayau enchipai o eng'ida oltau o enkishui.

²⁹Ore eokoto e naisho nintulusoo, neyau entiroto e lukunya o larrabali o nchankarri.

³⁰Keponaa emerai engoro o lmodai neitaa kiti engolon enye neponaa inkiporo.

³¹Mintukurru ole latia ino to sirua le naisho nimimenaa ninye too rishat enyena e nchipai nimiro irorei le nkuruna tialo ninye aashu inkilikuan metalaa esile.