Read Maasai Bible – Biblia Sinyati Sirak 4 Bible Online

Sirak 4 - Maasai Bible – Biblia Sinyati bible

Sirak 4

¹Enkerai ai, mintorogony ake ilaisinani aoru enkinyinyiret enye aashu intaany ninye empesho.

²Mincho ake kigorokino oltung'ani oata esumash aashu olonyamal.

³Mintanyamal aitoki oltung'ani onyamal duoo ake ninye openy aashu iimbok enkishooroto o laisinani.

⁴Miany ake iret oltung'ani onyamal aashu iany ishilaa olaisinani.

⁵Ing'ura ake lelo lemeeta toki aashu incho oltung'ani erishata nikidekie apik eng'oki

⁶amu tenemeyu oleng nikidek naa kening Ilo Oitobirua ninye enkomono enye.

⁷Ntaa kewan yioloti tiatua eumata, rrugokinoyu lelo kituaak te yie.

⁸Inining'o nena nikijoki ilaisinak niwalaki ninche aitobiraki te mborron.

⁹Tokordu lelo ooitorogonyitae te lelo aitorogonyak, nirishisho te ng'eno.

¹⁰Taa anaa menye nkera okishin niret inkolia anaa enaret ilpayiani lenye, niaku Enkerai e Nkai, nikinyorru ninye alang enikinyor ng'utunyi. Eng'eno nagut o laiteng'enani

¹¹Kedumu eng'eno inkera enyena neisho eretoto ilelo ooing'oru ninye.

¹²Ore pooki ng'ae onyor ninye naa enkishui enyor naa ore ilelo ooing'oru ninye aasioki netum enchipai,

¹³ore pooki ng'ae ooibung ninye akurraki neilepunyeki nemayian Enkai pooki wueji nejing.

¹⁴Ore lelo ooisiai eng'eno naa kepuo aaisiaai ilo Sinyati naa kenyor Enkai pooki ng'ae onyor ninye.

¹⁵Ore pooki ng'ae oyanyit eng'eno naa kerish iloshon naa ore pooki ng'ae oinining ninye nebik te seriani,

¹⁶ore pee eeta enkirukoto te ng'eno naa ketum ninye nebik eishoi enye eeta eng'eno.

¹⁷Ore hoo duoo neng'as aaimie inkoitoi e nyamali neyaki olkirutoto etem too ntemat ometonyorrai ninye neyaki keeya,

¹⁸neitoki ashukokino ninye neitiship oleng neliki inkurrat enyena,

¹⁹kake teneinyal ilo tung'ani ninye, nelo aing'uaa ninye tukul neshukoki ninye enapa ake wueji torrono netii.

²⁰Teng'ena eton ebaiki, niureyu intorrok, nimiyaki kewan enkurruna.

²¹Keetae enkurruna nayau eng'oki, neetae enkurruna naa enkitoo o omom eyau.

²²Mitum ake olkep pee mikiyaki enyamali aashu kimut iyie makewan.

²³Migira ake eitu iro te nkata naishiaa nimisudoo ake eng'eno ino,

²⁴amu ore eng'eno ino naa keidimi aatayiolo too nena nijo.

²⁵Migilunore ake esipata, tadamu ajo miyiolo hoo yia pooki toki.

²⁶Miureyu ake airridu nena torrok inono pooki, nimitem ake ajo aibooyo olkeju oruko.

²⁷Mincho ake kintore oltung'ani omoda aashu iata enkalo to larikoni.

²⁸Turubare esipata ometabaiki enkiting'oto ino naa ekimirishore Olaitoriani Enkai ino.

²⁹Miaku ake alani too nkirorot inono aashu ishalu too nkiasin inono.

³⁰Mipiju ake anaa olng'atuny te nkang ino aashu oloing'uraki ilaisiaayiak linyena intorrok.

³¹Miaku ake oltung'ani ony'or atang'amu kake negol pee inchooyo.