Read Maasai Bible – Biblia Sinyati Sirak 41 Bible Online

Sirak 41 - Maasai Bible – Biblia Sinyati bible

Sirak 41

¹Keeya Keeya! Ore endamunoto enye naa keme too ltung'ani oata eseriani o masaa enyena lemeeta enkuretisho neton eshipakino endaa enye.

²Keeya! Ore endung'okinoto ino naa entoki sidai to ltung'ani oata osina nemeeta engolon, o lmoruo neeta enkuretisho sapuk, o olmodooni neiminie osiligi.

³Emiureyu endung'okinoto e keeya. Tadamu ajo eewuo apa te lelo otii apa te dukuya iyie naa kelotu ake sii te lelo likisuju iyie.

⁴Eitayio Olaitoriani te nkaraki ng'uesi naaishu pooki. Ira iyie ng'ai pee iany enayieu olotii shumata aisul? Ore te nkop oo lmeneng'a meetae oloyieu neyiolou tenaa itobiko larin tomon aashu iip aashu enkalifu. Enalo apukoki olarruoni

⁵Ore nkera oo laaing'okok neitubuluaki te nkoitoi neeme ene Nkai, keaku ninche ltung'ana ooibaisho.

⁶Keimin enjung'ore enye ore eishoi enye neaku esulare ntarasi.

⁷Nepikaki nkera entioto esulare intoiwuo enye nemeure Enkai.

⁸Oi ntae ilemeure Enkai, ntae ootung'uatie inkitanapat Enkai natii shumata aisul!

⁹Ore tinitum inkera, ketum ninche emutata niking'uekini miata hoo toki kake aisinanisho ake. Keshipae oleng tinirrorro, naa ore tiniye nikisujaa oldeket iyie.

¹⁰Ore pooki toki naing'uaa enterit naa keshukokino enterit, ore ltorok naa keiterunye oldeket neiting'oki enkindaaroto.

¹¹Ore osesen lo ltung'ani neme toki, kake ore esidano enye naa kebikoo ntarasi.

¹²Torripo esidano ino, kebikoo alang nkalifuni oo masaa e saabu.

¹³Ore enkishui sidai naa aidorrop, kake ore esidano ino naa kebikoo ntarasi. Esidano o lkuaak

¹⁴Nakera aainei, entaas anaa enaitamoo ntae nitonini te seriani. Ore eng'eno nagut naisudoro netiu anaa masaa nemelio me hoo toki pokira.

¹⁵Ore oltung'ani oisudoo emodai enye neikash alang oloisudoo eng'eno enye nagut.

¹⁶Nakera aainei, entoning naa kaliki ntae erishata naishiaakino nikurru, amu ore too kulie rishat naa menarikino.

¹⁷Ore te dukuya intoiwuo inono nikurru te nkaraki olkuaak le loloito, ore te dukuya larikok aashu oltung'ani kirotet nikurru te nkaraki monko.

¹⁸Ore te dukuya larishak nikurru te nkaraki olkuaak torrono, ore te dukuya eumata nikurru te nkaraki engilata oo nkitanapat. Ore te dukuya olchore aashu encholiek nikurru te nkaraki mira asipani.

¹⁹Ore te dukuya elatia ino nikurru te nkaraki empurrore. Nikurru te nkaraki itigila enkisiligata, airishakino emisa e ndaa e teipa too loidolol lino, o empiani tinikiomoni toki.

²⁰Nimishuku sii enkirorokino, ning'or emulayoi,

²¹niany enkomono oo sotuatin, nimitiki oltung'ani enashiaakino ninye, ning'or enkitok o likae tung'ani,

²²aiguranie enkitok rrindik (talama endapash enye!) Ang'eliki olchore lino, asujaa inkishoorot inono te nkisikong'are,

²³aitarasaa nkisudorot. Erishata ena naishaakino nikurru naa aikiyanyit ltung'ana iyie.