Read Maasai Bible – Biblia Sinyati Sirak 47 Bible Online

Sirak 47 - Maasai Bible – Biblia Sinyati bible

Sirak 47

¹Nathan Ore peyie elusoo ninye nelotu Nathan laa oloiboni te rishata olaiguanani Daudi. Daudi

²Anaa eneikoni tenegeluni eilata to olasar le seriani, neaku etegeluaki Daudi tiatua Siraeli.

³Eing'uranie ninye lng'atunyo o olng'arurumi anaa ilkuoo loo ntare o nkineji.

⁴Ore aa enkayioni near ninye oltung'ani sapuk peyie eitajeu Israel. Te nkopito o to soit near Goliath o lwuasa lenye.

⁵Neomon Olaitoriani otii shumata aisul neishori engolon peyie ear osikari oning'o oleng, peyie eanyit iloshon engolon oo ltung'ana lenyena.

⁶Neanyit ltung'ana ninye amu etaara inkalifuni tomon oo lmang'ati, ore peyie eishori enkitoo olaiguanani, neisisi ninye amu etengelua Olaitoriani.

⁷Eishie lmang'ati pooki nepurdaa lfilisti negil engolon enye oo duo.

⁸Ore te pooki toki nataasa neisho enashe neisis Olaitoriani sinyati otii shumata aisul. Kenyor ninye Olaitobirani lenye neranyaki isinkolioitin le nkisisa too ltau lenye pooki.

⁹Nepik laranyak olperere lo lasar peyie erany sinkoliotin sidain.

¹⁰Nepik inkolong'i o sirua to lari pooki neitaa nena olongi sidain oleng, ore enkaji e Nkai neiput sinkoliotin loo Laitoriani aiteru te nkakenya.

¹¹Etapalikia Olaitoriani Daudi ng'ok enyena pooki nebulaa engolon enye ntarasi. Neitayu osotua oninye neishoo enkitoo Israel. Solomon

¹²Anaa peyie elusoo Daudi nesuju enkerai enye naata eng'eno nagut nebikoo ninye te seriani te nkaraki ninye.

¹³Nemetii apa olarrabal aa Solomon olaiguanani. Eishoo Enkai eseriani too lpolosien lenyena pooki, peyie etumoki ateshetaki Olaitoriani enkaji e Nkai naitashe ntarasi.

¹⁴Kesipa eeta apa eng'eno nagut Solomon aa olbarnoti! Ore eng'eno enyeneiputakine anaa olkeju.

¹⁵Ore oltau lenye neibulaa enkop pooki, neiput too ndung'eta e rashe o iloyiotiaa.

¹⁶Ore enkarna ino nening'o te pooki wueji, naa kinyorri te nkaraki iyawua eseriani.

¹⁷Ore iloshon pooki te nkop naa aikinyor te nkaraki sinkoliotin o ndung'eta e rashe o nkitanyaanyukot.

¹⁸Ore te nkarna Olaitoriani Enkai e Israel nintururr enkosolai o saabu anaa empirbil aashu o risasi.

¹⁹Kake ng'uarrat inono too nkituaak nataa embatatata ino.

²⁰Eidurukie enkanyit ino o neishoi ino. Neaku eishoi ino enkitamioto te nkaraki emodai ino.

²¹Neor iloshon, nepuku enkitoo enkeshare moikuape e Israel.

²²Kake ore Olaitoriani naa o lng'urr naa kepik ninye nkisiligat. Inchere meidakie eishoi e Daudi, laa ninye otegelua nenyor ninye. Neaku te nkaraki Israel nenyorriki olamarei le Daudi metobikoi. Rehoboam o Yeroboam

²³Neye Solomon anaa loo nkakuyiaa lenye, neing'uaa enkerai enye nabo metaa olarikoni. Naa keji apa Rehoboam oltung'ani laa kiti eng'eno nebore emodai, laa ore erikore enye netekepari ltung'ana. Netii apa sii Yeroboam otorikoiyie Israel e Moikuape too nkoitoi oo ng'ok.

²⁴Neaku ltung'ana laing'okok oleng neitayuni te nkop enye (eyararoto).

²⁵Etetema ninche entorroni pooki omeitalaku Olaitoriani elap.