Read Maasai Bible – Biblia Sinyati Sirak 5 Bible Online

Sirak 5 - Maasai Bible – Biblia Sinyati bible

Sirak 5

¹Mijo ake indipakine Mingarakino ake imasaa inono o tejo “Aidimua kewan.”

²Mincho ake ing'uarrat o ltau lino o engolon ino kirikoo.

³Mijo ake, “Aing'ae naata engolon pee aalang?” Tinijo neijia nikintame Enkai.

⁴Mijo iyie ias eng'oki nimikintamei, ekintame ake Enkai nabo olong.

⁵Mijo iyie ekipaliki ake Enkai pooki kata ometaa mipal eitu ias ing'ok.

⁶Mijo ake “Aisapuk olng'ur lenye neaku kaapaliki ing'ok aainei kumok,” amu ore olng'ur o enkitamioto naa inenyena, ore engoro enye naa kedoiki ilaing'okok.

⁷Mimutie ake eitu ishukokino Olaitoriani aashu intalakwanaa pooki olong. Keidim engoro enye ayeu enitii ninye te nkitamioto enye.

⁸Mingarakino ake masaa neitu iasu te nkoitoi naishiaa amu mikiret ina olong e nyamali. Esipata o nkibooroto e kewan

⁹Mikut ake te pooki siwuo aashu iruk pooki najo oltung'ani, neijia eiko ilaing'okok ooata monko.

¹⁰Taa oltung'ani lemeiwuatiwuat indamunot nintabaya inijo.

¹¹Taa oltung'ani onyor ainining'isho kake iwa erishata pee iwal.

¹²Tawala tiniyiolo enijo kake tinimiyiolo enijo tigirayu.

¹³Ore enkisisa o eyiolounoto naa enkiroroto eimu kake ore oltau lo ltung'ani naa keidim aitukurru oleng.

¹⁴Mincho ake eaku ekiyioloi too monko, niminyorra atejo imbaa naayaki batisho ilikulikae, ore anaa enaitukurruni ilapurrok neijia etiu ilaimonkok, keitamei oleng.

¹⁵Mias ake entoki torrono hoo nelioo aa kiti ashu sapuk.