Read Maasai Bible – Biblia Sinyati Isaya 12 Bible Online

Isaya 12 - Maasai Bible – Biblia Sinyati bible

Isaya 12

¹Ijo kenya teina olong: “Kaaisho nanu iyie enashe, Olaitoriani, amu ore hoo nikitagorokine iyie nanu, neibelekenye engoro ino, nikintagolo iyie nanu.

²“Ng'ura, Olaitoriani Enkai ninye enjeunoto ai; kaisilig nanu ninye, nemaureishoyu; amu Olaitoriani Enkai ninye engolon ai o sinkolio lai, netaa ninye enjeunoto ai.”

³Ore te ng'ida nilo iyie aoku enkare naing'uaa lelo shorroi le njeunoto.

⁴Nilo iyie ajo teina olong: “Enchoo Olaitoriani enashe, empoto enkarna enye, embalunye nkiaasin enyena too loreren, embalunye nchere eikitok enkarna enye.

⁵“Entaranyaki Olaitoriani te nkisisa, amu etaasa ninye ine nkitoo; nchoo eyiolouni kuna tiatua enkop pooki.

⁶Entabuaku entarany te ng'ida, intae iloomanya Sion, amu eikitok ilo omanya atua intae, Ilo Osinya le Israel.”