Read Maasai Bible – Biblia Sinyati Isaya 20 Bible Online

Isaya 20 - Maasai Bible – Biblia Sinyati bible

Isaya 20

¹Ore apa te ilo ari oyewunye ilo kitok le njore, oirriwua Sargon ilo aiguanani le Asiria meeu Ashdod, neitainye olarrabal neya ninye.

²Ore teina kata neirorie Olaitoriani Isaya olayioni le Amos, ejoki, “Shomo, talaku ilo kuniyia lirrotianita te mpolos nidotu inamuka too nkejek inono,” netaasa apa ninye ina alo meishopo nemeeta namuka.

³Nejo Olaitoriani, “Ore anaa enashomo osinka lai Isaya meishopo nemeeta namuka too larin okuni anaa olmonekie le ngolon ogilunore Misiri o Etiopia,

⁴neijia naa elo atiu olaiguanani le Asiria erikoo lelo le Misiri ootarayioki o le Etiopia epuo eyararoto. Ore ndung'ot pokira, ilooti o lkituaak nepuo meishopo nemeeta namuka. Nemeeta toki too ltuli neaku enkurruna e Misiri.

⁵Naa keitukurruni ninche te nkaraki Etiopia naisiligie osiligi lenye Misiri natawuasare.

⁶Ore lelo oomanya olomanaa le naiposha nepuo kenya aajo teina olong, ‘Ng'ura, ena nataase te kuldo laa ninche apa kisiliga, naa ninche kisikakita aaing'orunyie eretoto pee ekordu iyiook aitung'uaa ilo aiguanani le Asiria! Kaji naa kinko iyiook pee kiimisho?’ ”