Read Maasai Bible – Biblia Sinyati Isaya 48 Bible Online

Isaya 48 - Maasai Bible – Biblia Sinyati bible

Isaya 48

¹Toning'o ena, na aji e Yakobo, intae ilooipotieki e nkarna e Israel, lelo oora ile ishoi e Yuda; oonya olmumai te nkarna o Laitoriani, nelimu aaibalunye Enkai e Israel, kake mme te sipata neme te nkitorioroto.

²Amu ina anasa sinyati ninche eipotie ate, neisiligie ate ina Ai e Israel; Olaitoriani loo lororani ninye enkarna enye.

³“Ore ntokitin e apa naibalunye apa nanu te musano, neipang'u nena aaimu enkutuk ai naisho nanu metayiolouni; naitoki taa nabo kata aas naitabaya.

⁴Kayiolo apa nanu ajo igolong'u iyie, nikigol emurt anaa esekenkei netiu enkomom ino anaa osuyai,

⁵atolimuo apa nanu aibalunye te musano, ore eton eitu ebaya, naaitoning'o iyie aibalakinye, pee milo ake ajo, ‘Enkitanyaanyukoto ai nataasa kuna, ina kitanyaanyukoto ai naguetuni, o ina naipurjuno nayawua kuna.’

⁶“Itoning'o apa iyie; toduaa naa taata kuna pooki; ai milo naa iyie aibalunye? Ore ebaiki ena kata neito idia alo, kaaitoning nanu iyie mbaa ng'ejuko, mbaa naaisudoro neitu aekata iyiolou.

⁷Taata eitobiraki ninche, mme apa; ore apa neitu ae kata iyie ining ninche, pee milo ake ajo, ‘Ng'ura, atayiolo apa nanu.’

⁸Eitu ae kata ining, eitu ae kata iyiolou, ore ebaiki apa eitu ae kata ebolokini enkiok ino. Amu atayiolo apa nanu ajo iasisho iyie te nkeleekisho, naa ore ebaiki pee kiini nira iyie oloipotokoki enkiseroto.

⁹“Ore te nkaraki enkarna ai aibooyie engoro ai, ore te nkaraki enkisisa ai aiwuang'ie nanu te iyie, pee maaiwuang'ie nanu iyie.

¹⁰Ng'ura ajo aatisila nanu iyie, kake mme anaa enkosholai; aatetema nanu iyie to lkokuet loo nkisilisilot.

¹¹Te nkaraki kewan ai, te nkaraki kewan ai ake, ataasa nanu ina, amu kaji eiko pee eisarkionieki enkarna ai? Ore enkitoo ai maisho nanu likae.

¹²“Toning'oki nanu, iyie Yakobo, o Israel, apa laipoto nanu iyie! Nanu ilo, nanu ole dukuya, naa nanu ole siadi.

¹³Enkaina ai nairragie olkitamanyunoto le nkop, naa enkaina ai e tatene naisalaasha oloing'ang'e te naipot nanu ninche, neitashe pooki te nebo.

¹⁴“Enturrurroto intae pooki pee ining'ining'i! Kalo tiatua ninche apa oibalunye kuna baa? Kenyor Olaitoriani ninye; naa kelo ninye aas eyieunoto o Laitoriani te Babilon, nelo agilunore lelo Kaldayo.

¹⁵Nanu, ee, nanu oiroro naipotu ninye, ayawua nanu ninye naa kelo ninye adupoyu te nkoitoi enye.

¹⁶Entinyikakaki nanu, entoning ena: ore ebaiki apa te nkiterunoto eitu nanu airo too nkisudorot, ore ebaiki ina kata apa neewuo ina aaku, atii apa nanu ine.” Ore taata naairriua nanu Olaitoriani Enkai te nebo Enkiyang'et enye.

¹⁷Nji ejo Olaitoriani, Ilo likikordu iyie, Ilo Osinya le Israel: “Kara nanu Olaitoriani Enkai ino, ilo likinteng'en iyie tudupoyu, ilo likinkoo iyie te nkoitoi nilo aim.

¹⁸Oi apa tenaa itoning'o nkitanapat aainei, amu anaata etotiwuo eseriani ino anaa olkeju, netiu esupatisho ino anaa lopir le naiposha;

¹⁹anaata etaba eishoi ino anaa osinyai, ore lelo litoiwuo iyie nebayu anaa soito lo sinyai; ore enkarna enye nemeiwuang'ieki aekata aashu eishieki te dukuya nanu.”

²⁰Shomo tung'uai Babilon, isika ilanya Ilkaldayo, mbalunye ena te mbuakunoto e ng'ida, embalunye ena, nchoo elo abaya ina enkiting'oto e nkop; tejo, “Etokordua Olaitoriani osinka lenye Yakobo!”

²¹Eitu apa ninche etum enkure ina kata erikito ninche aimie ilpurkeli; eishoo enkare meturukunye te nkaraki ninche eing'uaa endapidapoi; etoosho ninye endapidapoi nerukunye enkare.

²²“Meetae eseriani too ltorrok,” Olaitoriani ojo.