Read Maasai Bible – Biblia Sinyati Isaya 58 Bible Online

Isaya 58 - Maasai Bible – Biblia Sinyati bible

Isaya 58

¹“Teyietu nchira, nimigira, tabuaku ilepunye oltoilo lino anaa entarumpeta; mbalakinye iltung'ana laainei nkitarruorot enye, mbalakinye Isiraeli ing'ok enye.

²Ore eyia, kaaing'oru ninche anaake, neng'ida ninche te neyiolou nkoitoi aainei, eji netiu anaa olosho oas isupati, leitu epuo aaing'uaa nkiguanat e Nkai enye; kaaikilikuan ninche nkiguanat naasipa, neng'ida ninche etaaniki Enkai.

³‘Kainyoo pee kiteena iyiook ate, aaitupukoo? Nimidol iyie. Kainyoo pee kintoborro iyiook ate, neitu iyie ishilaa ina?’ Ng'ura, ore te nkolong e enata ino, ning'oru iyie murruna ino makewan, nintorogony ilaisiaayiak linono pooki.

⁴Ieniene intae ate pee itumokiki aailepilepa nintayuyu olarrabal. Ore eenata naaijo ena inyi ena olong, nemeisho iltoiloishi linyi metoning'i te shumata.

⁵Kena enata empukuroto ategelua nanu, ina olong naitobor oltung'ani kewan? Ke nkolong nairrug oltung'ani endukuya enye anaa enkujita, neisalaash ilkuniyiani o nkuruon ti abori ninye? Ilo iyie ajo ena eenata e mpukuroto, naa enkolong nang'amaroyu to Laitoriani?

⁶“Aime ena eenata e mpukoroto nategelua nanu: pee elaari ienat e ntorroni, neitololong'i nkeenta e nchata too murto, ore ilo oitorogonyaki nelaari meshomo, negili pooki shata oo murto?

⁷Aime pee ing'arie endaa ino ilo oisumash, niyau ilo aisinani lemeeta ang atua enkaji ino; ore pee idol ilo lemeishopo ninchop, neme pee isudoo kewan te lelo tung'ana laaijo iyie?

⁸Netum taa ewang'an ino atotiwuo anaa enkakenya, ore enkishiunoto ino nelotu asieku; ore esupatisho ino nelo te dukuya ino, ore enkitoo o Laitoriani neaku ninye nikirrip te siadi.

⁹Tinimpotisho iyie, nikiwaliki Olaitoriani; ore pee inchiru iyie eretoto, nejo ninye, “Nele nanu.” “Tiniwuang'ieng'ie tiatua ate enkitorogonyareo o pooki mena o pooki rorei le nkarruoisho,

¹⁰ti nipukokiki intae maate lelo ooisumash, nintaraposhosho eyieunoto e ilo oata osina, netum taa ewang'an inyi ailepu te naimin ore emisimisi inyi netiuu anaa enkipirata e nkolong.

¹¹Nikirikoo iyie Olaitoriani anaake, nikintaraposh Olaitoriani iyieunot inono too mbaa sidain, neitagol iloik linono, nitiu iyie anaa enkurma natubukokoki enkare, nitiu anaa enchorro e nkare, nemeishunye aekata.

¹²“Ore wuejitin inono apa naaidaikieki nesheti; naa ilo iyie adumu olkitamanyunoto loo ishoritin kumok; nikipuoi aajo olaramani too lusien olaitobirani loo nkoitoi naalala e nkanasa.

¹³“Ntisinya enkolong e sabato. Tapaasha isiaaitin inono te nkolong ai sinyati, nintaa iyie Sabato enkolong e nchipai o enkolong sinyati o Laitoriani nayanyiti; ti niyanyitu iyie ina olong, nimilo too nkoitoi inono makewan, anaa ing'oru enchipai ino makewan, anaa iro mbaa e pesho;

¹⁴nitumoki taa atishipakinoyu ina olong o Laitoriani, naaisho nanu iyie shomo too wuejitin e shumata e nkop; naaitoti nanu iyie teina jung'ore e Yakobo papaai lino, amu enkutuk o Laitoriani nairoro kuna.”