Read Maasai Bible – Biblia Sinyati Yeremia 47 Bible Online

Yeremia 47 - Maasai Bible – Biblia Sinyati bible

Yeremia 47

¹Ele ororei lo Laitoriani apa oewuo enetii Yeremia oloiboni le Nkai eipirta Filistia, eton eitu ear Farao Gasa ejo,

²“Nji ejo Olaitoriani: Ng'ura, keilepu nkariak naaing'uaa moikuape, naa keaku olkeju onang'ari; naa keiput enkop pooki o pooki nabore, enkanasa o lelo oomanya atua. Neyietu ilewa aaishir, ore pooki ng'ae omanya ina kop neyietu aishir

³to ltoilo loo loisotok loo mbartan enyena te nkuetata oo ngarrin enyena oo mbartan te manaroto oo nkejek oo ngarrin, ore iloomenye nkera nemeitoki aaibelekenya aaing'or nkera enye, etalepori nkaik enye.

⁴Te nkaraki ina olong nalotu aidaikie Filistia pooki aiwuang'ie te Tiro o Sidon pooki aretoni oing'uari amu emutita Olaitoriani Filistia, ilo pisiai lo lmanie le nkare le Kafto.

⁵Eewuo osina kitok shumata iltung'ana le Gasa, eidaayie iltung'ana le Ashkelon. Ilo pisiai otelekua le Anakim, eidung'udung'u kenya kewan to sina o anu?

⁶Lo alem lo Laitoriani! Kanu kenya intirring'a? Tipika kewan atua enchashur ino, iyeng'iyeng'ayu nintirring'a!

⁷Kaji eiko ninye te neitirring'a te neisho ninye Olaitoriani enkitanapata? Metaarare Ashkelon nearare olomanaa le naiposha amu ine etegelua ninye.”